«Nur Otan» partiiasy partiia qyzmetin jańǵyrtý maqsatynda 20-dan astam jańa jobany qolǵa aldy. Olardyń qatarynda elimizdegi tsifrlandyrý úderisin júzege asyrýǵa baǵyttalǵan IT-synyptar ashý bastamasy da bar. Sol arqyly mektep oqýshylary baǵdarlamalaý jáne robot tehnikalary negizderin tereńdetip oqýǵa múmkindik almaq.
Jalpy partiianyń bastamasymen elimiz boiynsha 1000 tegin IT-synyp ashylyp, bir jylda 150 myń balany oqytý kózdelip otyr. Búginde bul baǵytta qarqyndy jumystar júrgizilýde. Sonyń nátijesinde 1 maýsymǵa deiin tek Pavlodar oblysynyń ózinde 14 IT-synyp pen 14 kovorking ortalyq ashylmaq. Onda oqýshylar qarapaiym algoritm qurý daǵdylaryn meńgerip, eýropalyq bilim standarttary boiynsha baǵdarlamalar men WEB-saittar jasaýdy úirenedi. IT-synyptar Astana Hub IT-startaptar halyqaralyq tehnoparkimen yqpaldastyqta jumys isteidi.
Partiia atalǵan bastamalardy memlekettik organdarmen, úkimettik emes uiymdarmen, qoǵamdyq birlestiktermen jáne biznes qaýymdastyqpen birlesip júzege asyrmaq. Partiianyń osy baǵyttaǵy seriktesteriniń biri «YBYRAI jas programmister ligasy» qoǵamdyq qorynyń jetekshisi Áziza Shójeeva qazirgi tańda elimizde programmisterge suranys joǵary ekenine nazar aýdaryp, «Nur Otannyń» bastamasy der kezinde qolǵa alynǵanyn aitty.
– «Nur Otan» partiiasynyń balalarǵa baǵdarlamalaý negizderin úiretetin tegin synyptar ashý bastamasyn biz qoldaimyz. Bizdiń de osy baǵytta «Óz bolashaǵyńdy baǵdarla!» atty áleýmettik jobamyz bar. Aldaǵy ýaqytta partiianyń qoldaýymen elimizdiń barlyq óńirinde, shalǵaidaǵy aýyldyq jerlerde de atalǵan jobany sátti júzege asyramyz dep senemin, – dedi Á.Shójeeva.
IT-synyptarda sabaq aptasyna úsh saǵat ótedi. Baǵdarlama úsh kezeńnen turady. Birinshisi – baǵdarlama tilin meńgerý (Scratch). Oqytý kóńildi oiyn túrinde ótedi. Balalar túrli keiipkerler negizinde qimyl-áreketter men tapsyrmalardy oryndap, veb-saittar: HTML/CSS óńdeý negizderin úirenedi.
– Odan ári baǵdarlamany oqytýdy keńeitý qarastyrylady. Balalar baǵdarlamalaý tiliniń jańa aspektilerin oqidy jáne mobildi qurylym men kompiýterde oiyndar qurastyrýdy úirenedi. Bir kezeńniń uzaqtyǵy – 2-3 ai. Birinshi sabaqtan soń balalar animatsiia quraityn bolady. Al ony bitirgen soń, úshinshi qorytyndy kezeńde óz saittaryn jasap shyǵady, – deidi qoǵam belsendisi.
