«Nur Otan» partiiasy sailaýdan keiingi bir ai ýaqyt ishinde óziniń 216 sailaýaldy baǵdarlamasyn iske asyrý boiynsha ár jylǵa naqty kórsetkishteri bar Jol kartalaryn ázirledi. Biyldyń ózinde Nur-Sultan, Almaty jáne Shymkent qalalarynyń turǵyndary úshin ne isteletini týraly partiia Ortalyq apparatynyń baspasóz qyzmeti habarlady.
Elbasy, partiia Lideri Nursultan Nazarbaevtyń tapsyrmasy aiasynda árbir óńirde, qala men aýdanda júieli baqylaýdy qamtamasyz etý úshin naqty nysanaly indikatorlar men merzimder belgilenip, sondai-aq oǵan jaýapty oryndaýshylar aiqyndaldy.
Máselen, elordada 2025 jylǵa deiin 14 kórsetkish pen 93 is-sharany oryndaý josparlanǵan. 2021 jyly «Nur Otan» partiiasynyń sailaýaldy baǵdarlamasy 25%-ǵa, 2022 jyly – 45%-ǵa, 2023 jyly – 65%-ǵa, 2024 jyly – 72%-ǵa jáne 2025 jyly 100%-ǵa iske asyrylady.
Biyldyń ózinde 131 km qala joldarynyń 34 kilometri, 130 km sýmen jabdyqtaý jelisiniń 17,7 kilometri, 85 km sý burý jelisiniń 11,5 kilometri, sondai-aq, 438 km gazben jabdyqtaý jelisiniń 144 kilometri salynyp, rekonstrýktsiialanady.
5 jyl ishinde 3,5 mln sharshy metr turǵyn úi, 41 meditsinalyq nysan, 50 mektep salynyp, 138 myń jańa jumys orny ashylady. 16 turǵyn úi alabynda 500 aýlany abattandyrý, 50 jańa saiabaq pen gúlzar salynbaq.
Almatyda 715 kórsetkish jáne 59 is-shara josparlanǵan. 2021 jyly sailaýaldy baǵdarlama 26,2%-ǵa, 2022 jyly – 48,4%-ǵa, 2023 jyly – 66,6%-ǵa, 2024 jyly –83,9%-ǵa jáne 2025 jyly tolyǵymen iske asyrylady.
Jyl sońyna deiin 19 meditsinalyq nysannyń 13-i, 15 mekteptiń 8-i, 339 balabaqshanyń 69-y, sondai-aq, 104 sport nysany salynady. Jalpy, 243 myńǵa jýyq jumys ornyn qurý, 114 iri investitsiialyq jobany iske qosý, erekshe qajettilikteri bar adamdar úshin 1,2 myńnan astam nysandy beiimdeý josparlanǵan.
Shymkentte bekitilgen Jol kartasy aiasynda 423 kórsetkish pen 529 is-shara belgilengen. 2021 jyly partiia baǵdarlamasy 24,5%-ǵa, 2022 jyly – 45,6%-ǵa, 2023 jyly – 64,9%-ǵa, 2024 jyly – 82,7%-ǵa jáne 2025 jyly 100%-ǵa iske asyrylady.
2021 jyly 72 mekteptiń 12-si, 24 meditsinalyq nysannyń 2-eýi salynady. 878 km joldyń 253 kilometri, 1419 km sýmen jabdyqtaý jelisiniń 761 kilometri salynyp, jóndeledi.
Halyqty turǵyn úimen qamtamasyz etý máselesine erekshe nazar aýdarylady. 5 jyl ishinde 47 myń páter salý josparlanǵan. 2025 jylǵa deiin 80 myńnan astam jumys orny ashylady.
Barlyq sailaýaldy ýádelermen nurotan.kz jáne nurotan2021.kz.saittarynan tanysýǵa bolady.
.jpeg)