«Nur Otan» partiiasynyń praimerizine aýyl turǵyndary tarapyna qyzyǵýshylyq joǵary boldy. Bul týraly «Nur Otan» partiiasynyń Qoǵamdyq saiasat institýty direktorynyń orynbasary Edil Ospan aitty, dep habarlaidy QazAqparat.
«17 tamyz ben 7 qazan aralyǵynda elimizdiń tarihynda alǵash ret jalpyulttyq maqsatty qamtyǵan «Nur Otan» partiiasynyń praimerizi ótti. «Nur Ota» praimerizi ótken jyly Elbasy - partiia Tóraǵasy Nursultan Nazarbaev jariialaǵan «Senim. Dialog. Bolashaqqa nyq qadam. Saiasi uiymdy qaita jandandyrý« baǵdarlamasynyń mańyzdy faktisi boldy. Elbasy - partiia Tóraǵasy «Nur Otan» qatarynan qoǵamdyq joǵary qoldaýǵa ie jańa kóshbasshylardy iriktep alý tapsyrmasyn júktedi. Partiianyń ortalyq apparaty jáne óńirlik qurylymdary úlken jumys kólemin sátti júzege asyryp, partiia basshylyǵy júktegen mindetterdi oryndady. 1-4 qazanda daýys berýge partiialastardyń jalpy sanynyń 84 paiyzy qatysty», - dedi «Nur Otan» partiiasy praimeriziniń qorytyndysyna arnalǵan dóńgelek ústel barysynda.
Osy rette ol praimeriz qorytyndysyna jasalǵan saraptamaǵa orai partiiaishilik irikteý nátijelerine toqtaldy.
«Bizdiń áleýmettik zertteýlerimizge sáikes, halyqtyń úshten biri sybailas jemqorlyqpen kúresetin, halyqpen dialog júrgizetin, únemi esep berip otyratyn, qarapaiym adamdardyń bastamalaryn júzege asyratyn partiiany qoldaýǵa daiyn. Partiia praimerizi qoǵam tarapynan zor qyzyǵýshylyq týdyrdy. Praimeriz bastalardan 1 apta buryn alynǵan saýalnamaǵa qatysqandardyń 45,6 paiyzy partiiaishilik sailaý týraly estigenin, 47,5 paiyz qoldaý bildirgenderin jáne 42 paiyzy qatysýǵa nietti ekendigin aitty. Praimerizge eń úlken qyzyǵýshylyq pen qatysýǵa degen niet aýyldyq eldi mekenderdiń jáne Almaty men Shymkent qalalarynyń turǵyndary arasynda baiqaldy», - dedi Edil Ospan.
Onyń aitýynsha, praimeriz qatysýshylary 120 myńnan astam is-shara, 60 myńnan astam kezdesýler men pikirtalas ótkizdi.
Praizerizge qatysýǵa 11 249 adam ótinim berip, 10 073 kandidat tirkeldi. Olardyń 20 paiyzdan astamy jańa adamdar. Elimiz boiynsha orta eseppen bir orynǵa 4 kandidat talasty. Bul rette bir orynǵa Nur-Sultan qalasynda 15, Almaty men Shymkent qalalarynda 7 kandidattan boldy. Kandidattardyń 36,7 paiyzy áielderdi, 29 paiyzy 35 jasqa deiingi jastardy qurady.
.jpeg)