«Nur Otan» partiiasynyń praimerizinde veb-sait jáne mobildi qosymsha arqyly onlain daýys berý merzimi týra bir táýlikke, 2020 jylǵy 4 qazan kúngi saǵat 14.00-ge deiin uzartyldy, dep habarlaidy "Ult aqparat".
«Nur Otan» partiiasynyń praimerizin ótkizý qaǵidalaryna sáikes, daýys berý kúni Ortalyq uiymdastyrý komiteti bekitetin respýblikalyq Kúntizbelik josparda aiqyndalady. Osylaisha, daýys berýdiń belgilengen merzimi –2020 jyldyń 3 qazany saǵat 14.00-ge deiin bolatyn.
Partiianyń baspasóz qyzmetinen málim etkendei, 2 qazan saǵat 17.00-degi jaǵdai boiynsha praimerizde 446 297 sailaýshy nemese júiede tirkelgen partiia músheleriniń 57% daýys berdi.
Partiialyqtar men jalpy jurtshylyqtyń partiiaishilik sailaýǵa joǵary qyzyǵýshylyǵy bir mezgildegi saitqa júginý sanyn edáýir arttyrdy (100 myń jáne odan da kóp). Sonyń saldarynan daýys berýdiń alǵashqy saǵattarynda saitqa qoljetimdilik pen tirkelý boiynsha ýaqytsha qiyndyqtar týyndai bastady.
Aqparattyq júiege túsken tehnikalyq júktemelerdiń saldarynan partiianyń kóptegen múshesi daýys bere almady. Qoǵamdyq qabyldaýdyń koll-ortalyqtaryna 1,5 myńnan astam qońyraý kelip túsken. Onyń ishinde 828-i – daýys berý kezindegi tehnikalyq qiyndyqtar máseleleri boiynsha.
«Sondai-aq, áleýmettik jeliler arqyly partiianyń uiymdastyrý komitetterine partiialyqtar men kandidattar tarapynan daýys berý merzimin uzartý týraly ótinishteri kelip tústi. Ótinishterde daýys berý jumys kúnderi ótip jatqandyqtan tańdaý jasaýǵa ýaqyttyń jetispeýi atap ótilýde.
Sonymen qatar, erteń, 3 qazanda, saǵat 08.00-den 14.00-ge deiin sailaý ýchaskeleri jumys isteidi. Óz kandidatyna daýys bere almaǵan azamattar jappai ýchaskelerge kelý qaýpi bar. Pandemiia jaǵdaiynda bul koronavirýs infektsiiasyn juqtyrýǵa ákelýi múmkin.
Joǵaryda baiandalǵandy eskere otyryp, Ortalyq uiymdastyrý komitetiniń hattamalyq sheshimimen Respýblikalyq kúntizbelik josparǵa ózgerister engizildi. Osylaisha, veb-sait jáne mobildik qosymsha arqyly onlain daýys berý merzimin týra bir táýlikke, 2020 jylǵy 4 qazan kúngi saǵat 14.00-ge deiin uzartý týraly sheshim qabyldandy.
Bul rette, úgit-nasihat jumystary senbi, iaǵni 3 qazan kúngi 14.00-de sailaý ýchaskeleriniń jabylýymen bir mezgilde aiaqtalatynyn atap ótý qajet», - delingen partiia habarlamasynda.
.jpeg)