پرايمەريز: ونلاين-داۋىس بەرۋ مەرزٸمٸ ۇزارتىلدى

«Nur Otan» پارتيياسىنىڭ پرايمەريزٸندە ۆەب-سايت جەنە موبيلدٸ قوسىمشا ارقىلى ونلاين داۋىس بەرۋ مەرزٸمٸ تۋرا بٸر تەۋلٸككە, 2020 جىلعى 4 قازان كٷنگٸ ساعات 14.00-گە دەيٸن ۇزارتىلدى, دەپ حابارلايدى "ۇلت اقپارات".

«Nur Otan» پارتيياسىنىڭ پرايمەريزٸن ٶتكٸزۋ قاعيدالارىنا سەيكەس, داۋىس بەرۋ كٷنٸ ورتالىق ۇيىمداستىرۋ كوميتەتٸ بەكٸتەتٸن رەسپۋبليكالىق كٷنتٸزبەلٸك جوسپاردا ايقىندالادى. وسىلايشا, داۋىس بەرۋدٸڭ بەلگٸلەنگەن مەرزٸمٸ –2020 جىلدىڭ 3 قازانى ساعات 14.00-گە دەيٸن بولاتىن.

پارتييانىڭ باسپاسٶز قىزمەتٸنەن مەلٸم ەتكەندەي, 2 قازان ساعات 17.00-دەگٸ جاعداي بويىنشا پرايمەريزدە 446 297 سايلاۋشى نەمەسە جٷيەدە تٸركەلگەن پارتييا مٷشەلەرٸنٸڭ 57% داۋىس بەردٸ.

پارتييالىقتار مەن جالپى جۇرتشىلىقتىڭ پارتيياٸشٸلٸك سايلاۋعا جوعارى قىزىعۋشىلىعى بٸر مەزگٸلدەگٸ سايتقا جٷگٸنۋ سانىن ەدەۋٸر ارتتىردى (100 مىڭ جەنە ودان دا كٶپ). سونىڭ سالدارىنان داۋىس بەرۋدٸڭ العاشقى ساعاتتارىندا سايتقا قولجەتٸمدٸلٸك پەن تٸركەلۋ بويىنشا ۋاقىتشا قيىندىقتار تۋىنداي باستادى.

اقپاراتتىق جٷيەگە تٷسكەن تەحنيكالىق جٷكتەمەلەردٸڭ سالدارىنان پارتييانىڭ كٶپتەگەن مٷشەسٸ داۋىس بەرە المادى. قوعامدىق قابىلداۋدىڭ كولل-ورتالىقتارىنا 1,5 مىڭنان استام قوڭىراۋ كەلٸپ تٷسكەن. ونىڭ ٸشٸندە 828-ٸ – داۋىس بەرۋ كەزٸندەگٸ تەحنيكالىق قيىندىقتار مەسەلەلەرٸ بويىنشا.

«سونداي-اق, ەلەۋمەتتٸك جەلٸلەر ارقىلى پارتييانىڭ ۇيىمداستىرۋ كوميتەتتەرٸنە پارتييالىقتار مەن كانديداتتار تاراپىنان داۋىس بەرۋ مەرزٸمٸن ۇزارتۋ تۋرالى ٶتٸنٸشتەرٸ كەلٸپ تٷستٸ. ٶتٸنٸشتەردە داۋىس بەرۋ جۇمىس كٷندەرٸ ٶتٸپ جاتقاندىقتان تاڭداۋ جاساۋعا ۋاقىتتىڭ جەتٸسپەۋٸ اتاپ ٶتٸلۋدە.

سونىمەن قاتار, ەرتەڭ, 3 قازاندا, ساعات 08.00-دەن 14.00-گە دەيٸن سايلاۋ ۋچاسكەلەرٸ جۇمىس ٸستەيدٸ. ٶز كانديداتىنا داۋىس بەرە الماعان ازاماتتار جاپپاي ۋچاسكەلەرگە كەلۋ قاۋپٸ بار. پاندەمييا جاعدايىندا بۇل كوروناۆيرۋس ينفەكتسيياسىن جۇقتىرۋعا ەكەلۋٸ مٷمكٸن.

جوعارىدا باياندالعاندى ەسكەرە وتىرىپ, ورتالىق ۇيىمداستىرۋ كوميتەتٸنٸڭ حاتتامالىق شەشٸمٸمەن رەسپۋبليكالىق كٷنتٸزبەلٸك جوسپارعا ٶزگەرٸستەر ەنگٸزٸلدٸ. وسىلايشا, ۆەب-سايت جەنە موبيلدٸك قوسىمشا ارقىلى ونلاين داۋىس بەرۋ مەرزٸمٸن تۋرا بٸر تەۋلٸككە, 2020 جىلعى 4 قازان كٷنگٸ ساعات 14.00-گە دەيٸن ۇزارتۋ تۋرالى شەشٸم قابىلداندى.

بۇل رەتتە, ٷگٸت-ناسيحات جۇمىستارى سەنبٸ, ياعني 3 قازان كٷنگٸ 14.00-دە سايلاۋ ۋچاسكەلەرٸنٸڭ جابىلۋىمەن بٸر مەزگٸلدە اياقتالاتىنىن اتاپ ٶتۋ قاجەت», - دەلٸنگەن پارتييا حابارلاماسىندا.