«Nur Otan partiiasy» Almaty qalalyq filialy tóraǵasynyń birinshi orynbasary Stanislav Kankýrov onlain-brifing barysynda praimerizdiń ótý barysy týraly aityp berdi, dep habarlaidy QazAqparat.
«Saiasi ózgerister men jańa kóshbasshylar úshin ýaqyt keldi. Qazaqstandyq qoǵamda jańa tulǵalar men ideialarǵa suranys paida boldy. Sondyqtan bul joly biz jastar men áielderdi óz qatarymyzǵa tartýǵa erekshe kóńil bólemiz. Tipti, praimerizdi ótkizý erejesinde tizimde áielderdiń keminde 30% jáne 35 jasqa deiingi jastardyń keminde 20% bolýy tiis dep jazylǵan. Osylaisha, praimeriz eń laiyqty kandidattardy tańdaýǵa kómektesedi. Olar óz kezeginde el tarihynda óz izin qaldyrady dep oilaimyn»,– dedi Stanislav Kankýrov.
Onyń aitýynsha,7 qyrkúiekten 3 qazanǵa deiin kandidattar úgit jumystaryn júrgizedi. Osy kezeńde 14-30 qyrkúiek aralyǵynda karantinge bailanysty barlyq qaýipsizdik sharalaryn saqtai otyryp, jariia pikirsaiystar ótkizý josparlanýda.
«Elektrondy daýys berý 1-3 qazan aralyǵynda jańa aqparattyq júie arqyly onlain rejiminde ótedi. Ol «Praimeriz» dep atalady.
Almatyda partiia músheleriniń sany 60 myńnan asady – bul qala sailaýshylarynyń 7% jýyǵy»,– dedi ol.
Búgingi kúni «Nur Otan» praimerizine qatysýǵa 96 almatylyq niet bildirdi.
Olardyń 30% áielder, 25% jastar, sondai-aq erekshe qajettilikteri bar adamdar, kópbalaly analar, eriktiler jáne basqalar bar.
.jpeg)