«Nur Otan» praimerizine kandidattardy tirkeýdiń alǵashqy kúninde qazaqstandyqtardan 1 myńnan astam ótinim tústi. Bul týraly «Nur Otan» partiiasy Tóraǵasynyń birinshi orynbasary Baýyrjan Baibek málim etti, dep habarlaidy "Ult aqparat".
«Keshe elimizde «Nur Otan» praimerizi bastalǵanyn jaqsy bilesizder. Partiia Lideri Nursultan Nazarbaevtyń tapsyrmasymen ol tuńǵysh ret respýblikalyq partiiaishilik sailaý aýqymynda ótedi. Bul – Elbasy bastamasymen partiia jumysyn «qaita jandandyrý» maqsatynda qolǵa alynǵan «Senim. Dialog. Bolashaqqa nyq qadam» baǵdarlamasynyń qorytyndy kezeńderiniń biri.Kandidattardy tirkeýdiń alǵashqy kúni 1 myńnan asa adam ótinish berdi. Olardyń 336-sy áiel, onyń 20-sy kópbalaly ana, 35 jasqa deiingilerden 228 azamat, sondai-aq erekshe qajettiligi bar 8 adam. Bastaýysh partiia uiymdary arqyly 322 adam usynylsa, 717 kandidat ózin-ózi usyndy.⠀
Elbasy Nursultan Nazarbaev keshegi úndeýinde atap ótkendei, partiia óz isiniń sheberlerin, el taǵdyryna alańdaityn tulǵalardy, sheshim qabyldai alatyn jáne konstrýktivti usynystar jasai alatyn jańa azamattardy bilikke usynatyn qainar kóz bolýy tiis», - dep jazdy B.Baibek Facebook-te. Onyń atap ótýinshe, partiiaishilik sailaýdyń ashyq ári ádil ótýine partiia tarapynan qajetti jaǵdai jasalǵan. Bastysy – aiqyndyq pen tazalyqty, barlyq qatysýshylarǵa teń múmkindik pen básekelestikti qamtamasyz etý.⠀
«Partiia Lideri azamattardy tolǵandyryp júrgen kókeitesti máselelerdiń ózara senim men syilastyq aiasynda kóteriletinine senim bildirdi. Kóterilgen máselelerdi partiia baqylaýǵa alýy tiis. Árbir aýdannyń, qalanyń, oblystyń sailaýaldy baǵdarlamasyna engizý úshin barlyq sheshimdi biýdjettiń múmkindikterimen úilestire qarastyrý qajet.⠀
Elimizdiń aldynda pandemiiadan keiin ekonomikalyq ósimdi qalpyna keltirý, jumys oryndaryn qurý, shaǵyn jáne orta biznestiń jumysyn jandandyrý mindetteri tur. Sonymen birge pandemiiamen kúres máselelerin taldap, onyń ekinshi tolqyny oryn alýy múmkin jaǵdaiǵa daiyndalý qajet. Munyń barlyǵy partiianyń sailaýaldy baǵdarlamasyna engizilip, nurotandyqtardyń aldaǵy 5 jylda atqaratyn is-áreketterine baǵyt-baǵdar bolady.
Taǵy da barlyq partiialyqtar men «Nur Otan» jaqtastaryn eldegi asa mańyzdy saiasi dodaǵa belsendi qatysýǵa shaqyramyn!», - dedi partiia Tóraǵasynyń birinshi orynbasary.
