QR Tuńǵysh Prezidenti - Elbasy Nursultan Nazarbaev Nur Otan partiiasynyń sailaýaldy shtaby jetekshisi retinde Baýyrjan Baibekti taǵaiyndady, dep habarlaidy "Ult aqparat".
«Búginde «Nur Otan» óziniń tabys tarihymen maqtana alady. Partiia baǵdarlamasyn oryndaý qajet jáne onyń oryndalatyndyǵyna da senemin. Ol elimizdi odan ary jańǵyrtýdy, barlyq qazaqstandyqtardyń ómir sapasyn arttyrýdy qamtamasyz etýge múmkindik beredi», - dedi Elbasy partiianyń kezekten tys HH sezin qorytyndylai kele.
QR Tuńǵysh Prezidentiniń atap ótýinshe, sailaý naýqanyn tabys ótkizý úshin respýblikalyq jáne óńirlik shtabtardyń úilesimdi jumysyn uiymdastyrý qajet.
«Kandidattar, belsendiler, senim bildirilgen tulǵalar barlyq óńirge baryp, ár sailaýshyǵa túsinikti tilde partiia usynystaryn aiyp berýi tiis. Munan ary damý úshin qandai baǵdarlama usynatynyn túsindirýi kerek. Osy oraida respýblikalyq sailaýaldy shtabtyń jetekshisi qyzmetine partiiadaǵy orynbasarym Baýyrjan Baibekti usynamyn. Oǵan shtabtyń jeke quramyn, múshelerin aiqyndap, sailaý naýqanyn uiymdastyrý, barlyq oblystyq shtabtarmen, ákimdermen jáne belsendilerimizben jumys isteý qajet», - dedi Nursultan Nazarbaev.
