Partiia hatshysy Álibek Áldenei «Nur Otan» partiiasy jaqtastary ligasynyń múshesi Erlan Sairovpen birge Aqtóbe oblysyna kelip, kandidattarmen kezdesti, dep habarlaidy "Ult aqparat".
Praimeriz kezinde jastardyń baspanaly bolýy, olardyń saiasi ómirge aralasýy jii kóterildi. Kandidattar qazirgi úgit-nasihat kezinde jastarǵa qatysty halyqtan túsken suraqtardy usynys retinde «Jastar – Otanǵa!» baǵdarlamasyna engizýleri múmkin.
«Qazirgi úgit-nasihat jumystary sheńberinde berip otyrǵan usynystaryńyzdyń bári sol baǵdarlamaǵa kirýi kerek. Baǵdarlama qyrkúiek-qazan ailarynda talqylanady. Sondyqtan maqsat partiialyq tizimge kirý ǵana emes, usynysty baǵdarlamaǵa engizý bolýy tiis», – dedi partiia hatshysy. Onyń aitýynsha, «Jas Otan» jastar qanaty jol kartasyna 216 jobasyn ázirlendi. Onda árbir óńir, qala jáne aýdan boiynsha jastardyń negizgi problemalaryn sheshýge qatysty naqty sharalar kórsetilgen. Qazaqstandyq jastar atalǵan qujatpen tanysyp qana qoimai, sonymen qatar jasotan.kz jáne primaries.kz saittary arqyly usynystaryn joldai alady.
Sondai-aq partiia hatshysy máslihattarda áiel adamdardyń úles salmaǵy 12 paiyzdan aspaitynyn jetkizdi. Sońǵy 2-3 jylda kópbalaly analardyń máseleleri jii kóterilgen. Partiia hatshysy otbasy qundylyqtaryna qatysty osyndai máselelerdiń sheshilýi úshin áiel adamdardyń memlekettik organdarda, áielderge qatysty komissiialarda kóbirek bolýy qajet ekenin aitty. Issapardyń ekinshi kúni partiia hatshysy Hromtaý aýdanyna bardy. Munda Aqjar selolyq okrýginde ornalasqan daýys berý ýchaskesiniń sanitarlyq talaptarǵa sáikestigin tekserip, «Aqjar aýyldyq okrýgi» BPU múshelerimen kezdesý ótkizdi. Kezdesýde «Nur Otan» partiiasynyń jaqtastary ligasynyń múshesi Erlan Sairov praimerizge qatysty suraqtarǵa jaýap berdi.
«Praimerizdiń negizgi maqsaty – halyqtyń senimine ie jergilikti jerdegi atqarýshy bilikke óziniń sózin aita alatyn azamattardy máslihattarǵa alyp kelý. Búgingi tańda Qazaqstan halqynyń eń negizgi suranymy ol – demokratiia. Halyqtyń bir aq tilegi bar, ol – biliktiń halyq oiynan shyǵyp otyrýy», – dedi ol. Partiianyń aýdandyq filialy tóraǵasynyń birinshi orynbasary Jantas Nurimovtyń aitýynsha, partiiaishilik sailaýǵa Hromtaý aýdanynan 31 kandidat qatysýǵa niet bildirgen. Olar taý-ken óndirý ónerkásibi, bilim berý jáne meditsina, kásipkerlik jáne taǵy da basqa sala ókilderi. Barlyq kandidat partiia múshelerimen kezdesýler ótkizip, ózderiniń sailaýaldy baǵdarlamalarymen tanystyrdy.
Aita ketý kerek, búgingi tańda «Nur Otan» praimerizine Aqtóbe oblysy boiynsha 486 kandidat qatysyp jatyr. 7 qyrkúiekte kandidattar úgit-nasihatty bastady. Barlyǵy 2 myńnan astam kezdesý uiymdastyrylǵan. Onyń 234-i onlain túrde ótti.
