«Nur Otan» partiiasyn jańǵyrtý qajet. Bul týraly búgin «Nur Otan» partiiasy Saiasi keńesiniń keńeitilgen otyrysynda Elbasy Nursultan Nazarbaev aitty, dep habarlaidy QazAqparat.
Qazaqstan Prezidenti búgingi jaǵdaidaǵy álemniń damýy partiia aldyna da zor maqsattar júkteitindigin basa aitty.
«Sóz «Nur Otan» partiiasynyń ózin jańǵyrtýmen bailanysty bolyp otyr. Óitkeni, el, ekonomika jańǵyryp, soǵan sáikes saiasi kúshter de soǵan sai bolýy tiis», - dedi Nursultan Nazarbaev.
Memleket basshysy eldegi ahýaldyń turaqtanýyna, Qazaqstannyń damýyna, halyqtyń áleýmettik jaǵdaiynyń jaqsarýyna «Nur Otan» partiiasy zor úles qosqanyn atap ótti. Parlamenttik sailaýlardan laiyqty deńgeide ótip, shyn máninde Qazaqstannyń basty saiasi kúshi quqyǵyna ie bolǵanyn eske saldy.
«Degenmen, bizde toqtaýǵa bolmaidy. Ózderińiz de bilesizder, biyl biz ekonomikany, saiasatty, bizdiń qoǵamymyzdyń rýhani salasyn jańǵyrtýǵa kiristik. Jańǵyrtý esh ýaqytta da ońai bolmaidy. Ol aitarlyqtai qarsylyqtardy týyndatýy múmkin. «Nur Otan» partiiasynyń róli eń aldymen jańǵyrtý baǵdaryn saiasi qoldaýdyń tetikterin qurýda», - dedi QR Prezidenti.
.jpeg)