«Nur Otan» partiiasy jas ónertapqyshtar arasynda ótkizgen NURINTECH-2017 respýblikalyq innovatsiialyq jobalar baiqaýynyń qorytyndysyn jariialady.
Bul joba ótken jyly Elbasy, partiia Tóraǵasy Nursultan Nazarbaevtyń tikelei bastamasymen qolǵa alynǵan bolatyn. Onyń basty maqsaty – el jastarynyń ǵylym-bilimge jáne innovatsiiaǵa degen qyzyǵýshylyǵyn arttyrý.
Búgin baiqaý jeńimpazdary men júldegerlerin «Nur Otan» partiiasy Tóraǵasynyń Birinshi orynbasary Muhtar Qul-Muhammed arnaiy marapattady. Partiia Tóraǵasynyń Birinshi orynbasary otandyq jas ǵalymdar men ónertapqyshtar Elbasymyzdyń innovatsiiany damytýǵa baǵyttalǵan saiasatynyń basty qoldaýshylary jáne negizgi júzege asyrýshylary bolýy tiis ekenin atap ótti.
Biyl ekinshi ret uiymdastyrylǵan baiqaýǵa qatysýǵa niet bildirgen myńnan astam ótinish kelip tústi. Niet bildirýshiler IT jáne áýeǵarysh tehnologiiasy, energetika, energiia kózin saqtaý, himiialyq tehnologiia, nanotehnologiia, agroinnovatsiia, tabiǵi qordy tiimdi paidalaný, resýrstardy saqtaý, robototehnika, 3D indýstriia jáne taǵy basqa túrli salalar boiynsha ózderiniń innovatsiialyq jumys jobalaryn joldady.
Jeńimpazdardy anyqtaý úshin arnaiy Baiqaý komissiiasy qurylyp, onyń quramyna Qazaqstannyń belgili ǵalymdary, qoǵam qairatkerleri, Parlament depýtattary, memlekettik organdar men biznes-qaýymdastyq ókilderi endi. Barlyq jumysty tyńǵylyqty zertteý nátijesinde eń úzdik ári suranysqa ie, ekonomikalyq jaǵynan tiimdi 25 joba tańdalyp alyndy.
Nátijesinde «Qazaqstannyń eń úzdik jas ǵalymy» atalymynda metallýrgiia salasynda resýrstardy saqtaý tehnologiiasyn oilap tapqan Qaraǵandy oblysynyń ókili Erbol Shabanov jeńimpaz atandy. Al asa tiimdi kún kollektorynyń jobasyn usynǵan jambyldyq Gaýhar Smaǵulova ekinshi oryn alsa, kesý quraldaryn bekitetin innovatsiialyq tehnologiiany oilap tapqan shyǵysqazaqstandyq Baýyrjan Rahadilov úzdik úshtikti túiindedi. Odan bólek, «Tehnostart», «Jastardyń innovatsiialyq jobasy», «Perspektiva», «Áleýmettik mańyzy bar innovatsiia» atalymdary boiynsha da jeńimpazdar anyqtaldy. Baiqaýdyń arnaiy syilyǵy Mbionics kompaniiasynyń negizin salýshy, jasandy qol jasaýmen ainalysatyn 23 jastaǵy Máýlen Bekturǵanovqa berildi.
Sonymen qatar biyl baiqaýdyń mańyzdy baǵyttaryna qazaq tiliniń latyn álipbiine kóshýine bailanysty latynsha jazýǵa qatysty baǵdarlamalar men qosymshalardyń innovatsiialyq jobalary da qosyldy. Odan bólek, EKSPO-2017 halyqaralyq kórmesiniń ótýine orai «jasyl» energetika men ekologiialyq innovatsiiaǵa baǵyttalǵan jobalar da baiqaýǵa qatysty.
Baiqaý jeńimpazdary men júldegerleri qarjylai syilyqtarmen marapattaldy. Ár atalymda top jarǵan jeńimpazǵa – 1 million teńgeden, ekinshi oryn ielerine – 500 myń, al úshinshi oryn alǵan jastarǵa 250 myń teńge kóleminde syiaqy berildi. Jas ǵalymdardyń ózderi mundai baiqaýlar jańa biikter men belesterdi baǵyndyrýǵa erekshe kúsh beretinin aityp, jastardy únemi qoldap kele jatqan Elbasyna sheksiz alǵystaryn bildirdi.
