«Nur Otan» partiiasy jaqtastarynyń ligasy quryldy. Bul týraly elordada arnaiy baspasóz máslihatyn ótkizgen Eýraziialyq integratsiia institýtynyń direktory Erlan Sairov aitty, dep habarlaidy QazAqparat.
«Demokratiia, pikirlerdiń pliýralizmi elimizde qalyptasýy kerek jáne bul protsesterge eshqandai balama joq. Degenmen, osy demokratiiaǵa, saiasi priýalizmge degen umtylys elimizdiń memlekettik irgetasyn devalvatsiiaǵa alyp kelmeýi tiis. Shynyn aitý kerek, bizdiń eń negizgi printsipimiz birinshi – memleketimiz, ekinshi – memlekettiń atribýty retindegi demokratiialyq protsester. Mine, osy turǵyda áleýmettik jelide jáne qoǵam aldynda sóz aityp júrgen elimizdegi áleýmettik protsesterge úles qosýǵa qabiletti, sonymen birge ekonomikalyq máselelerdi sheshýge óz retseptin bere alatyn, elimizdegi qoǵamdyq protsesterdi progreske jetkizetin azamattar «Nur Otan» partiiasy jaqtastarynyń ligasyn qurýdy jón kórip otyr», - dedi ol.
Onyń atap ótýinshe, «Nur Otan» partiiasy jaqtastary ligasynyń eń negizgi ustanymy tsentristik printsip bolmaq.
«Biz – demokratiiany jaqtaimyz. Elimiz halyqtyq memleket bolýy kerek degen printsiptemiz. Biraq osy protsesterdiń barlyǵy evoliýtsiialyq jolmen, beibit jolmen, sonymen birge konstrýktivti jolmen ótýi kerek. Bul – bizdiń eń negizgi maqsatymyz. Osy turǵyda liga óz jumysyn úsh baǵytta júrgizedi. Birinshi – áleýmettik ádilettilik, ekinshi – qoǵamdyq-saiasi transformatsiia, úshinshi – ekonomikalyq órleý. Kezek kúttirmeitin másele retinde «Nur Otan» partiiasy jariialaǵan partiialyq praimerizdi qatań qoǵamdyq baqylaý tetikterin jasaýdy qolǵa alamyz», - dedi Erlan Sairov.
.jpeg)