«Nur Otan» partiiasy Tóraǵasynyń Birinshi orynbasary Máýlen Áshimbaevtyń tóraǵalyǵymen partiia Saiasi keńesiniń otyrysy ótti, dep habarlaidy "Ult aqparat" partiianyń baspasóz qyzmetine silteme jasap.
Jinalysqa Saiasi keńes músheleri, sonyń ishinde Qazaqstan Respýblikasy Parlamentiniń depýtattary, atqarýshy memlekettik organdardyń jáne úkimettik emes uiymdardyń basshylary, kásipkerler, dárigerler, bilim, mádeniet, sport salasynyń ókilderi, Qazaqstan halqy Assambleiasynyń músheleri jáne taǵy basqalar qatysty. Sondai-aq otyrysqa partiianyń kezekti XVIII Seziniń delegattary da shaqyryldy.
Otyrysty ashqan Máýlen Áshimbaev aldymen barsha qatysýshylardy «Nur Otannyń» 20 jyldyǵymen quttyqtady. Osy mereili dataǵa orailastyrylǵan partiianyń kezekti XVIII Seziniń mańyzyna toqtalǵan ol atalǵan jiynda «Nur Otannyń» jańa baǵyt-baǵdary aiqyndalyp, mańyzdy máseleler talqylanatynyn tilge tiek etti.
Saiasi keńestiń otyrysynda qaralǵan negizgi máselelerdiń biri «Nur Otan» partiiasynyń 2030 jylǵa deiingi «Baqýatty qoǵam: onjyldyqtyń 10 maqsaty» atty jańa baǵdarlama jobasyn talqylaý boldy. Partiia Tóraǵasynyń Birinshi orynbasary Baǵdarlamanyń negizinen áleýmettik sipatqa ie ekenine nazar aýdardy.
«Partiia Tóraǵasynyń tapsyrmasyna sáikes, partiianyń 2030 jylǵa deiingi jańa baǵdarlamasy daiyndaldy. Bul qujatta Elbasynyń elimizdi jan-jaqty jańǵyrtý baǵdarlamasyn júzege asyrýǵa partiianyń qosatyn naqty úlesi men jumysy kórsetilgen. Baǵdarlama jobasy bastaýysh partiia uiymdarynyń jinalystary men partiianyń aýmaqtyq jáne aimaqtyq filialdarynyń konferentsiialarynda keńinen talqylandy. Nátijesinde qujat áleýmettik sipatqa ie bolyp, azamattardyń turmys sapasyn jaqsartýǵa baǵyttaldy», - dedi Máýlen Áshimbaev.
Otyrys barysynda Baǵdarlamanyń negizgi baǵyttary boiynsha partiia Hatshysy Ilia Terenchenko jan-jaqty baiandap berdi. Odan bólek, Saiasi keńestiń músheleri: M.H.Dýlati atyndaǵy Taraz memlekettik ýniversitetiniń rektory Mahmetqali Sarybekov, Pavlodar oblystyq perinataldy ortalyǵynyń bas dárigeri Aiman Ospanova jáne «Agrofirma «Rodina» JShS-nyń direktory Ivan Saýer sóz sóilep, jańa Baǵdarlamanyń basymdyqtary jaiynda aitty.
Talqylaý nátijesinde Saiasi keńes músheleri Baǵdarlama jobasyn maquldap, ony «Nur Otan» partiiasynyń kezekti XVIII Seziniń qaraýyna usyný týraly sheshim qabyldady.
Sonymen qatar, erteńgi Sezde partiia Jarǵysyna ózgertýler men tolyqtyrýlar engizý jáne Saiasi keńes pen Ortalyq baqylaý-tekserý komissiiasynyń eseptik kezeńdegi jumysyn qorytyndylaý siiaqty máseleler de talqylanady dep kútilýde. Soǵan bailanysty Saiasi keńestiń otyrysynda atalǵan máseleler de nazarǵa alynyp, talqyǵa salyndy.
Sezde ókilettik merziminiń aiaqtalýyna bailanysty Saiasi keńes pen Ortalyq baqylaý-tekserý komissiiasynyń múshelerin sailaý máselesi de qaralmaq. Búgingi otyrysta Saiasi keńes músheleri bul máselege de kóńil bóldi. Odan bólek, otyrysta kezekti XVIII Sezdiń jumys organdary - Mandattyq, Eseptik, Redaktsiialyq komissiialardyń jáne Sezd Hatshylyǵynyń jeke quramdary qaralyp, usynyldy.
Jiyn sońynda partiia Tóraǵasynyń Birinshi orynbasary erteńgi Sezdiń partiia úshin mańyzy zor ekenine taǵy bir nazar aýdardy.
«Ózderińiz kórip otyrǵandai, Sezdiń qaraýyna partiiamyzdyń ári qarai damýyna úlken áser etetin mańyzdy máseleler usynylyp otyr. Sezd jumysyna Elbasy, partiia Tóraǵasynyń qatysýy da bizge úlken jaýapkershilik júkteidi. Sondyqtan Sezdiń el damýyna da tigizer áseri mol deýge tolyq negiz bar», - dedi Máýlen Áshimbaev.
Aita keteiik, Saiasi keńes partiianyń joǵary ókildik organy. Onyń ókilettigine partiia Seziniń sheshimderin oryndaý boiynsha partiia organdary qyzmetiniń negizgi baǵyttaryn anyqtaý, partiianyń qatysýymen bolatyn sailaý kampaniialaryna qatysty máselelerdi qaraý, partiia atynan saiasi málimdemeler men úndeýlerdi qaraý jáne engizý, qalyptasqan qoǵamdyq qatynasqa bailanysty partiianyń ustanymyn anyqtaý, partiia Tóraǵasynyń usynysy boiynsha óz quramynan partiia Saiasi keńesiniń Biýro múshelerin sailaý, partiia Sezin shaqyrý, olardyń kún tártibin qalyptastyrý, partiiaishilik talqylaýlardy ótkizý týraly sheshim qabyldaý, olardy ótkizýdi uiymdastyrý jáne qorytyndylaý, partiia seziniń erekshe quziretine qatysy joq partiia qyzmetindegi basqa da máselelerdi sheshý kiredi. Partiia Saiasi keńesiniń ókilettik merzimi - 4 jyl.
