Partiianyń Almaty qalalyq filialynyń tóraǵasy, qala ákimi Baqytjan Saǵyntaev Biýro múshelerine Nur Otan partiiasy qalalyq filialy tóraǵasynyń birinshi orynbasaryn tanystyrdy. Bul laýazymǵa 33 jastaǵy Meiirjan Otynshiev taǵaiyndaldy, dep habarlaidy "Ult aqparat".
Ál-Farabi atyndaǵy QazUÝ-niń, Qaraǵandy ekonomikalyq ýniversitetiniń jáne Qazaqstan Respýblikasy Prezidenti janyndaǵy Memlekettik basqarý Akademiiasynyń túlegi Meiirjan Otynshiev 2019 jyldyń naýryz aiynan bastap Almaty qalasy Turǵyn úi saiasaty basqarmasy basshysynyń orynbasary bolǵan.
Biýro músheleri usynylǵan kandidatýrany biraýyzdan qoldady. Partiialyq jobalar men bastamalardyń naqtyly oryndalýyn eske saldy. Sondai-aq, partiianyń Almaty qalalyq filialynyń sailaýaldy baǵdarlamasyndaǵy oryndalýy tiis mindetterdiń biri – úkimettik emes uiymdarmen jáne qoǵamdyq pikirdiń kósh basshylarymen syndarly dialogty odan ári jalǵastyrý ekeni atap ótildi.
Almaty ákimi Baqytjan Saǵyntaev qalalyq máslihattyń hatshysy bolyp sailanǵan Stanislav Kankýrovqa atqarǵan jumysy úshin alǵysyn bildirdi.
Eske salsaq, qazir Nur Otan partiiasynyń Almaty qalalyq filialynda 59 myń partiia múshesi bar. Olar megapolistiń barlyq segiz aýdanyndaǵy 672 bastaýysh partiia uiymdaryna biriktirilgen.
