"Nur Otan" partiiasy qaǵazbastylyqtan birjola qutylyp, elektrondy qujat ainalymǵa kóshedi. Bul týraly Qaraǵandyda ótip jatqan «Nur Otan» partiiasy bastaýysh partiia uiymdarynyń aimaqtyq forýmynda aityldy.
Qaraǵandyda ótken bastaýysh partiia uiymdarynyń birinshi aimaqtyq forýmynda belsendiler "Sandyq Partiia" jobasyn birlese pysyqtady. «Tsifrly Qazaqstan» baǵdarlamasy aiasynda partiia osy bastamany sátti júzege asyryp jatyr. "Nur otan" osy oraida mektep pen kitapahanalar, emhana men joǵarǵy oqý oryndarymen de tyǵyz jumys isteidi.
Partiiany jańǵyrtý aiasynda barlyq qyzmetti tsifrlandyrý arqyly qoǵammen tyǵyz qarym- qatynas ornatý kózdelgen. Osylaisha qalalarda ǵana emes, aýyl, aýdandarda IT - synyptar men kitaphanalar ashylǵany belgili. Búginde olarda turǵyndar men bastaýysh partiia uiymdarynyń ókilderi, iaǵni kóbinese jastar jumys isteidi. Qyzmet tiimdiligin arttyrý úshin óńirlerde «Sandyq partiia» jobasy iske qosylmaq.
Forýmǵa qatysýshy partiia músheleri qazirdiń ózinde jańa jobalardy bastaýysh partiia uiymdarynyń jumysyn jeńildetetinin jetkizdi.
- Buryn biz barlyq nárseni qujattap, hattap jiberip pochta arqyly jumys jasasaq, qazir áleýmettik jeliler arqyly qaǵazbastylyqtan bizdi bosatyp, «Tsifrly Qazaqstanǵa» úlesimizdi qosa otyryp bir jandanatyn baǵytty kórsetip otyr, - dedi «Nur Otan» partiiasynyń Almaty qalalyq filialynyń «Igilik» bastaýysh partiia uiymynyń tóraiymy Merýert Áitenova.
«Sandyq partiiany» bastaýysh partiia uiymdary jetildiretin bolady. Búgin aimaqtyq forýmǵa kelgen Astana, Almaty qalalary men Qostanai, Qaraǵandy oblystarynyń eki júzden astam belsendisi osy jobanyń jai-japsarymen tanysty.
- Elbasy, partiia tóraǵasy Nursultan Ábishuly Nazarbaev partiiamyzdyń túrlený jóninde jańǵyrý máselesin qoiǵan bolatyn. Sondyqtan bizdiń búgingi kezdesýimiz partiiamyzdyń júieli jańǵyrýyna bailanysty bolyp otyr. Jańa jobalar – birkúndik aktsiia nemese keńselik sharalar emes, partiia músheleriniń eńbegi, nátijesinde qazaqstandyqtardyń ómiri men turmysy jaqsarýy tiis, - dep atap ótti «Nur Otan» partiiasynyń Hatshysy Tamara Dúisenova.
Sondai-aq, forýmda adami resýrstardy basqarý men partiianyń kadrlyq rezervin qalyptastyrý máseleleri de talqylandy. Onda bastaýysh partiia uiymdaryn yntalandyrý úshin baǵalaý júiesi engizilmekshi. Uiym músheleri men belsendileriniń bilimin jetildirý, arnaiy oqytý josparlanǵan.
.jpeg)