«Nur Otan» partiiasynyń partiialyq baqylaý komiteti uiymǵa múshe azamattardyń derekterin Ortalyq esepke alý derekter bazasyndaǵy aqparatpen salystyryp tekserýdi bastady, dep habarlaidy partiianyń resmi saity.
Atalmysh shara Qazaqstan Respýblikasynyń Tuńǵysh Prezidenti – Elbasy, «Nur Otan» partiiasynyń Tóraǵasy N.Á. Nazarbaevtyń praimeriz ótkizý protsesiniń aiqyndyǵyn qamtamasyz etý jáne barlyq qatysýshyǵa teń jaǵdai jasaý jónindegi tapsyrmasyn oryndaý maqsatynda qolǵa alynǵan.
Tekseris Nur-Sultan qalasy Almaty aýdandyq filialynda jáne Baiqońyr aýdanyndaǵy «Aziia Tsentr Snab» JShS-ndegi bastaýysh uiymynda jappai burmalaýshylyqtardy anyqtady.
Mysaly, Almaty aýdandyq filial 2020 jylǵy 23-24 qyrkúiekte «Nur Otan»-nyń derekter bazasynda 1221 partiialyqtyń mobildi telefon nómirlerin aýystyrǵan. Engizilgen nómirlerdiń basqa adamdarǵa tiesili ekendigi aiqyndaldy.
Atalǵan bastaýysh uiymda partiia Jarǵysyn jáne partiiaǵa múshelikke qabyldaý tártibi týraly nusqaýlyqty buzý faktileri anyqtaldy. Atap aitqanda, JShS qyzmetkeri dep málimdenip, qyrkúiekte qabyldanǵan BPU-nyń 3 116 múshesiniń basym bóligi basqa uiymdarda, tipti basqa óńirlerde jumys isteidi. Qońyraý shalý barysynda olardyń kópshiligi ózderiniń partiia múshesi ekenin bilmeitindikteri belgili boldy, nómirlerdiń kópshiligi basqa nómirge silteidi, al telefonǵa bir adam jaýap beredi.
«Partiia filialynyń basshylyǵy jáne Nur-Sultan qalasy boiynsha Praimeriz ótkizý jónindegi uiymdastyrý komiteti Partiialyq baqylaý komitetiniń usynymyn basshylyqqa ala otyryp, joǵaryda atalǵan faktiler boiynsha kelesi sheshimder qabyldady.
Partiianyń Almaty aýdandyq filialy tóraǵasynyń birinshi orynbasary M.Bolysbek praimeriz kandidaty retinde tirkeýden alynyp tastalsyn jáne oǵan qatań sógis jariialansyn. Sonymen bir mezette qalalyq filial qosymsha tekseris júrgizsin jáne derekter bazasyna búkil partiialyqtar boiynsha durys derekter engizsin.
«TOO Aziia Tsentr Snab» BPU taratylyp, jańadan qabyldanǵan 3116 múshe partiiadan shyǵarylsyn. BPU basshysy Ý.Aliev pen partiia múshesi D.Perneev praimerizge kandidat retinde tirkeýden shyǵarylsyn»,-delingen habarlamada.
Praimeriz ótkizý boiynsha Ortalyq uiymdastyrý komiteti «Nur Otan» partiiasynyń partiiaishilik sailaýdyń barlyq qatysýshysy úshin birdei quqyq berýdi jaqtaitynyn atap kórsetti. Praimeriz jeńimpazdary túbegeili ádil jáne básekeles daýys berý qorytyndysy boiynsha anyqtalýy tiis. Partiialyqtardy daýys berý quqyǵynan aiyrýǵa eshkimniń de qaqysy joq.
Praimeriz ótkizý erejesin qandai da bir buzýshylyq boiynsha 8 (800) 080 4441 jedel jelisine (qońyraý shalý tegin) nemese komek@nurotan.kz elektrondy pochtasy boiynsha habarlasýǵa bolady. Kelip túsken barlyq aryzdy Partiialyq baqylaý komiteti jan-jaqty qarastyrady. Kinálilerge partiiadan shyǵarýǵa deiin barynsha qatań shara qoldanylatyn bolady.
.jpeg)