«Nur Otan» partiiasynyń negizgi kúntártibi «Jańa Qazaqstan» baǵdaryn qurýǵa baǵyttalǵan. Mundai pikirdi «Rýhani jańǵyrý» QQDI Qoǵamdyq protsesterdi zerdeleý ortalyǵynyń basshysy Qazybek Maigeldinov bildirdi, dep habarlaidy QazAqparat.
«Nur Otan» partiiasynyń negizgi kúntártibi búkil saiasi júie siiaqty «Jańa Qazaqstan» baǵdaryn qurýǵa baǵyttalǵan. Osy turǵyda partiialyq júie qaita retke keltiriledi. Ózimiz de kórgendei, negizinen bul aldaǵy ýaqytta memleket pen qoǵamnyń shynaiy dialogyn qalyptastyrý úshin Prezidenttiń qoǵamdyq-saiasi quraly bolatyn «Nur Otan» partiiasyna qatysty bolmaq. Bul jaiynda Prezident naqty ári anyq aitty. Negizgi basymdyq adami kapitalǵa júkteledi. Partiia qatarynda 80 myńǵa jýyq Qazaqstan azamaty bar. Soǵan orai olardyń áleýetin joqqa shyǵarýǵa bolmaidy. Olardy igilik jolynda qoldaný kerek. Biraq, basty másele partiia quramynyń sapasy boldy. Sondyqtan partiianyń saiasi biýrosyn jańartý is-sharasy qabyldandy. Quram 50 paiyzdan astamǵa jańartyldy. Eń bastysy – azamattyq sektordyń, sonymen qatar áielder men jastardyń qatysýyn arttyrý. Bul Májilis quramyna da qatysty bolady. Búginde 76 depýtattyń «Nur Otan» partiiasynan mandaty bar. Memleket basshysy belgilep bergendei, partiia fraktsiiasy jańarady. Barynsha progresshil, jaýapty ári ashyq depýtattarǵa basymdyq beriledi», - dedi Qazybek Maigeldinov Memleket basshysy Qasym-Jomart Toqaevtyń keshegi «Habar» agenttigine bergen suhbatyna orai.
Onyń atap ótýinshe, qańtar oqiǵalary is júzinde júieli problemalardyń memleket pen qoǵamda, partiiada da bolǵanyn kórsetip berdi.
«Osynaý sátte óńirlerde bolyp, sherýshilermen kelissózder júrgizýi tiisti halyq qalaýlylarynyń belsendi jumysyn kóre almadyq. Demek, depýtattar belsendi túrde júrgizýi tiis jumystardyń bári oryn alǵan joq. Kadrlyq rotatsiia jáne partiianyń barlyq basshylyǵyn jańartýǵa qatysty jańa is-sharalar óńirlik deńgeige de qatysty bolady. Olar partiianyń halyqpen ózara is-qimyl jumysyn jaqsartýǵa shynai kómektesýi tiis. 200-den astam qoǵamdyq qabyldaýlardyń qyzmetin qaitadan jandandyryp, halyqtyń senimine qaitadan ie bolý qajet», - dedi ol.
