«Nur Otan» پارتيياسىنىڭ نەگٸزگٸ كٷنتەرتٸبٸ «جاڭا قازاقستان» باعدارىن قۇرۋعا باعىتتالعان. مۇنداي پٸكٸردٸ «رۋحاني جاڭعىرۋ» ققدي قوعامدىق پروتسەستەردٸ زەردەلەۋ ورتالىعىنىڭ باسشىسى قازىبەك مايگەلدينوۆ بٸلدٸردٸ, دەپ حابارلايدى قازاقپارات.
«Nur Otan» پارتيياسىنىڭ نەگٸزگٸ كٷنتەرتٸبٸ بٷكٸل ساياسي جٷيە سيياقتى «جاڭا قازاقستان» باعدارىن قۇرۋعا باعىتتالعان. وسى تۇرعىدا پارتييالىق جٷيە قايتا رەتكە كەلتٸرٸلەدٸ. ٶزٸمٸز دە كٶرگەندەي, نەگٸزٸنەن بۇل الداعى ۋاقىتتا مەملەكەت پەن قوعامنىڭ شىنايى ديالوگىن قالىپتاستىرۋ ٷشٸن پرەزيدەنتتٸڭ قوعامدىق-ساياسي قۇرالى بولاتىن «Nur Otan» پارتيياسىنا قاتىستى بولماق. بۇل جايىندا پرەزيدەنت ناقتى ەرٸ انىق ايتتى. نەگٸزگٸ باسىمدىق ادامي كاپيتالعا جٷكتەلەدٸ. پارتييا قاتارىندا 80 مىڭعا جۋىق قازاقستان ازاماتى بار. سوعان وراي ولاردىڭ ەلەۋەتٸن جوققا شىعارۋعا بولمايدى. ولاردى يگٸلٸك جولىندا قولدانۋ كەرەك. بٸراق, باستى مەسەلە پارتييا قۇرامىنىڭ ساپاسى بولدى. سوندىقتان پارتييانىڭ ساياسي بيۋروسىن جاڭارتۋ ٸس-شاراسى قابىلداندى. قۇرام 50 پايىزدان استامعا جاڭارتىلدى. ەڭ باستىسى – ازاماتتىق سەكتوردىڭ, سونىمەن قاتار ەيەلدەر مەن جاستاردىڭ قاتىسۋىن ارتتىرۋ. بۇل مەجٸلٸس قۇرامىنا دا قاتىستى بولادى. بٷگٸندە 76 دەپۋتاتتىڭ «Nur Otan» پارتيياسىنان مانداتى بار. مەملەكەت باسشىسى بەلگٸلەپ بەرگەندەي, پارتييا فراكتسيياسى جاڭارادى. بارىنشا پروگرەسشٸل, جاۋاپتى ەرٸ اشىق دەپۋتاتتارعا باسىمدىق بەرٸلەدٸ», - دەدٸ قازىبەك مايگەلدينوۆ مەملەكەت باسشىسى قاسىم-جومارت توقاەۆتىڭ كەشەگٸ «حابار» اگەنتتٸگٸنە بەرگەن سۇحباتىنا وراي.
ونىڭ اتاپ ٶتۋٸنشە, قاڭتار وقيعالارى ٸس جٷزٸندە جٷيەلٸ پروبلەمالاردىڭ مەملەكەت پەن قوعامدا, پارتييادا دا بولعانىن كٶرسەتٸپ بەردٸ.
«وسىناۋ سەتتە ٶڭٸرلەردە بولىپ, شەرۋشٸلەرمەن كەلٸسسٶزدەر جٷرگٸزۋٸ تيٸستٸ حالىق قالاۋلىلارىنىڭ بەلسەندٸ جۇمىسىن كٶرە المادىق. دەمەك, دەپۋتاتتار بەلسەندٸ تٷردە جٷرگٸزۋٸ تيٸس جۇمىستاردىڭ بەرٸ ورىن العان جوق. كادرلىق روتاتسييا جەنە پارتييانىڭ بارلىق باسشىلىعىن جاڭارتۋعا قاتىستى جاڭا ٸس-شارالار ٶڭٸرلٸك دەڭگەيگە دە قاتىستى بولادى. ولار پارتييانىڭ حالىقپەن ٶزارا ٸس-قيمىل جۇمىسىن جاقسارتۋعا شىناي كٶمەكتەسۋٸ تيٸس. 200-دەن استام قوعامدىق قابىلداۋلاردىڭ قىزمەتٸن قايتادان جانداندىرىپ, حالىقتىڭ سەنٸمٸنە قايتادان يە بولۋ قاجەت», - دەدٸ ول.
