Búgin elimizdiń aimaqtarynda «Nur Otan» partiiasy fraktsiiasynyń músheleri – májilismenderdiń halyqpen kezdesýleri bastaldy, dep habarlaidy "Ult aqparat" partiianyń baspasóz qyzmetine silteme jasap.
Qazaqstandyqtardy tolǵandyratyn ózekti de túiindi máselelerdi talqylaýǵa jáne partiianyń «Ózgerister joly: Ár azamatqa laiyqty ómir!» sailaýaldy baǵdarlamasyn jergilikti jerlerde iske asyrý sapasyn taldaýǵa erekshe nazar aýdarylady.
Nurotandyq depýtattar oblys jáne aýdan ortalyqtaryna ǵana emes, shalǵai eldi mekenderge de barady.
Ár óńirdiń ózekti máselelerin egjei-tegjeili qarastyrý úshin kásiporyndardyń, densaýlyq saqtaý, bilim berý mekemeleriniń eńbek ujymdarymen kezdesýler josparlanǵan. Sonymen qatar, halyq qalaýlylary azamattardy qabyldaý ótkizedi.
Jalpy halyq qalaýlylary sailaýshylarmen myńnan astam kezdesý ótkizedi.
Olar eki kezeńde: osy jyldyń 7-16 shildesi men 19-28 tamyzy aralyǵynda ótedi. Kezdesýler barlyq sanitarlyq talaptardy saqtai otyryp ótkiziletin bolady.
Aita ketý kerek, Májilistiń VII shaqyrylymynyń birinshi sessiiasynda Palatanyń qaraýynda 86 zań jobasy boldy, onyń 49-y maquldanyp, Senatqa joldandy.
Partiianyń baspasóz qyzmeti atap ótkendei, «Nur Otan» fraktsiiasynyń músheleri ózderiniń zań shyǵarý bastamasy quqyǵyn belsendi paidalana otyryp, 10 zań jobasyn ázirledi.
Olar indýstriialyq-innovatsiialyq damý, qarjy, bank júieleri, bilim, densaýlyq saqtaý, áleýmettik qorǵaý, óńirlik damý jáne basqa máselelerge qatysty 94 depýtattyq saýal joldady.
