Búgin «Nur Otan» partiiasy Tóraǵasynyń Birinshi orynbasary Aqmola oblysynyń Arshaly aýdanyna baryp, aýdandaǵy múmkindigi shekteýli balalardy jańa jyl merekesimen quttyqtady. Partiianyń muryndyq bolýymen uiymdastyrylǵan merekelik is-sharaǵa qatysqan Máýlen Áshimbaev búldirshinderge syi-siiapattar tartý etip, qýanyshtarymen bólisti, dep habarlaidy "Ult aqparat".
Is-shara «Kedergisiz keleshek» partiialyq jobasy aiasynda ótkizildi. Oǵan Arshaly aýdanyndaǵy múmkindigi shekteýli balalar men olardyń ata-analary qatysty. – Búginde Elbasymyzdyń tapsyrmasy boiynsha «Nur Otan» partiiasy múmkindigi shekteýli jandarǵa jan-jaqty qoldaý kórsetip keledi. Atap aitqanda, «Kedergisiz keleshek» jobasy boiynsha múmkindigi shekteýli azamattardyń sapaly bilim alýyna, olardyń jumyspen qamtylyp, qoǵamdyq-saiasi ómirge belsene aralasýyna jáne elimizde kedergisiz orta qalyptastyrýǵa basymdyq berip otyrmyz. Qazirgi tańda osy baǵyttar boiynsha kóptegen tyń ideialar júzege asyrylyp jatyr. Atalǵan jumystar tek ortalyq deńgeide emes, aýyl-aimaqtarda da sátti iske asyrylýda. Bizdiń búgingi merekelik is-sharamyz sonyń jarqyn kórinisi, – dedi Máýlen Áshimbaev.
Sonymen qatar partiia Tóraǵasynyń Birinshi orynbasary barsha qatysýshylardy merekemen quttyqtap, jańa jylda ár otbasynyń shattyqqa kenelýin tilektestigin bildirdi. – Keler jyl barshańyzǵa jańa jeńister men jetistikter alyp kelsin. Aldaǵy jylda ár qazaqstandyq otbasy tek shattyq pen qýanyshqa kenelip, árdaiym elimiz aman, jurtymyz tynysh bolsyn. Jańa jylda arman-maqsattaryńyzǵa jetip, biikterden kórine berińizder, – dedi Máýlen Áshimbaev.
Osyndai keremet keshtiń ótkizilgenine jáne balalarynyń naǵyz merekelik kóńil-kúige bólengenine erekshe qýanǵan ata-analar «Nur Otan» partiiasyna airyqsha alǵystaryn jetkizdi. – Jańa jyl ár bala úshin jyl boiy kútetin mereke. Al múmkindigi shekteýli balalar úshin mundai is-sharalardyń jóni múldem bólek. Búgin balamnyń júzinen kúlki úiirilip, el qatarly jańa jyldyq shyrshaǵa qatysqany úshin erekshe qýanyshtymyn. Osyndai igi is úshin Elbasy partiiasyna alǵysymyz sheksiz. Onyń ústine, «Nur Otan» partiiasy Tóraǵasy Birinshi orynbasarynyń Astanadan arnaiy kelip, balalarymyzdy quttyqtaýy ata-analar úshin de úlken qýanysh boldy, – deidi balasyn merekelik is-sharaǵa alyp kelgen ata-analardyń biri Nurjamal Qojabekova.
