Memleket basshysynyń tikelei bastamasymen elimizde kásipkerlikke qoldaý kórsetý jáne jańa zamanaýi óndiris oshaqtaryn qurý maqsatynda birqatar igi ister qolǵa alynýda. Solardyń júzege asý barysyn qadaǵalap, atqarylǵan jumystarmen tanysý maqsatynda búgin «Nur Otan» partiiasy Tóraǵasynyń Birinshi orynbasary Muhtar Qul-Muhammed Qaraǵandy oblysyna bardy.
Sapar barysynda Muhtar Qul-Muhammed mamandandyrylǵan kólik-logistikalyq ortalyqtyń aýmaǵynda ornalasqan «Riger» JShS-ǵa arnaiy bardy. Bul jerde dári-dármekter men meditsinalyq zattar saqtalady. Mundaǵy kásipkerlerge memleket tarapynan barlyq qoldaý kórsetilgen. Jobanyń jalpy quny – 1 mlrd. 372 mln. teńge. Osy rette keshenniń basy tutynýshylary Qazaqstannyń iri farmatsevtikalyq kompaniialary ekenin de atap ótken jón.
Sonymen qatar, partiia Tóraǵasynyń Birinshi orynbasary jańadan iske qosylǵan eskirgen kólikterdi joiý zaýytynda boldy. Zaýytta avtoqaldyqtardan peshtik otyndar, shoiyn, bolat, aliýminii, túrli-tústi metall quimalary jáne rezeńke qiyndylary daiyndalady.
Bul eki kásiporynnyń Indýstrialdy-innovatsiialyq damý baǵdarlamasy jáne «Biznestiń jol kartasy-2020» memlekettik baǵdarlamalarynyń nátijesinde iske qosylǵanyn erekshe atap ótken jón.
Budan basqa, Muhtar Qul-Muhammed «Izopliýs Ortalyq Aziia» JShS-ǵa bardy. Munda qubyrlardy izoliatsiialaý jumystary júrgiziledi. Zaýyttyń basty ereksheligi ónim sapasynyń álemdik standarttarǵa tolyǵymen sai bolýynda. Sondai-aq, óndiris oshaǵy «jasyl tehnologiiaǵa» negizdelgen. Sonyń nátijesinde bul jerden aýaǵa ziiandy qaldyqtar taralmaidy. Zaýyttyń ónimderi jylý qubyrlarynan bastap munai qubyrlaryn júrgizýge deiin qoldanylady.
Memleket basshysynyń igi bastamalarynyń nátijesinde elimizdiń barlyq óńirinde osyndai iri óndiris oryndary jumysyn bastaǵanyn aitqan Muhtar Qul-Muhammed: «Elbasymyz búkil elimizge, árbir qazaqstandyqqa qajet jaǵdaidyń bárin jasady. «Qazaqstan-2050» Strategiiasy qabyldandy, «100 naqty qadam» Ult jospary bekitildi, olardy júzege asyrý úshin jyl saiyn trilliondaǵan teńge qarajat bólinýde. Endi bizge tek bilek sybanyp jumys isteý ǵana qaldy. Búgin men Qaraǵandy oblysynda Elbasy tapsyrmalarynyń tabysty oryndalǵanynyń kýási boldym», – dedi.
Ulttyń jaǵdaiyn jaqsartýǵa baǵyttalǵan memlekettik baǵdarlamalardyń elimizge bereri mol. Sondyqtan Elbasy bastamalarynyń sátti oryndalýyna ár qazaq múddeli bolýy kerek. Bul rette «Nur Otan» partiiasynyń qolǵa alǵan isi kóńil qýantady.
