«Nur Otan» barlyq 216 aýmaqtyq máslihattarǵa tizimder usyndy. Bul týraly Nur Otan partiiasy tóraǵasynyń birinshi orynbasary Baýyrjan Baibek aitty, dep habarlaidy "Ult aqparat".
«Ózderińiz biletindei, «Nur Otan» barlyq 216 aýmaqtyq máslihattarǵa tizimder usyndy. Jergilikti ókildi organdarǵa sailaý qorytyndysy boiynsha partiiaǵa orta eseppen sailaýshylardyń 82,4%-ti daýys berdi. Osylaisha, barlyq deńgeidegi máslihattardaǵy 3 276 orynnan nurotandyqtar 2 701 mandat aldy.
Keshe partiia filialdarynyń saiasi keńesteri biýrolary otyrystarynyń qorytyndylary boiynsha elimizdiń barlyq oblystary, aýdandary men qalalaryndaǵy máslihattar depýtattarynyń tizimi jasalyp, tirkeý úshin óńirlik sailaý komissiialaryna joldandy.
Jalpy, máslihattardaǵy bizdiń fraktsiialardyń quramy 65%-ke jańardy.
Partiianyń depýtattyq korpýsy 6 jylǵa jasardy, búginde halyq qalaýlylarynyń ortasha jasy 45 jasty quraidy», - dep jazdy B. Baibek jelidegi paraqshasynda.
«Nur Otan»-nan sailanǵan barlyq depýtattardyń úshten biri – áielder, 23% – 35 jasqa deiingi jastar. Olardyń qatary sáikesinshe 11%-ke jáne 16%-ke artty. Osylaisha, Elbasy, partiia Tóraǵasy N.Á.Nazarbaevtyń barlyq deńgeidegi maslihattarda áielder men jastardyń úles sanyn arttyrý jónindegi tapsyrmasy tolyq oryndaldy.
423 depýtat – partiiaǵa jańadan kirgen, praimeriz aiasyndaǵy áleýmettik liftini paidalana otyryp, partiiaishilik irikteýdiń barlyq kezeńderinen ótken azamattyq belsendiler, qoǵamdyq pikir kóshbasshylary.
«Depýtattyq korpýsqa bilim jáne ǵylym, densaýlyq saqtaý, mádeniet jáne sport, ÚEU, BAQ, kásipodaq, ónerkásip ókilderi, sondai-aq kásipkerler, fermerler, kópbalaly analar, qandastar, erekshe qajettilikteri bar adamdar jáne t.b. kirdi. Máslihattarda ár túrli sanattaǵy azamattardyń ókildik etýi sheshimder qabyldaýdyń teńgerimdiligin jáne barlyq áleýmettik toptardyń múddelerin qorǵaýdy qamtamasyz etedi», - dep tolyqtyrdy ol.
.jpeg)