Indetti aldyn-alý isi – barshaǵa ortaq mindet. Shymkenttiń bas sanitarlyq dárigeriniń qaýipsizdikti saqtaý jónindegi qaýlysy kúshin joiǵan joq. Desek te, megapolis turǵyndary qarapaiym qaǵidalardy saqtaýda qulyqsyzdyq tanytyp júr. Osyny eskergen «Nur Otan» partiiasynyń ókilderi saýda ortalyqtarynda sanitarlyq jaǵdaidy saqtaý boiynsha túsindirme jumystaryn júrgizdi.
El aýzynda «Akbar bazary» atanyp ketken saýda ortalyǵyna kelýshilerdiń qarasy qalyń. Saýda ortalyǵynyń basshylyǵy kelýshilerge tegin maska taratýda. Áitse de, tutynýshylar men kólik júrgizýshileri saqtyqqa salǵyrt qaraýda. «Nur Otan» partiiasynyń ókilderi saýda ortalyǵyndaǵy kásipkerlermen sóilesti. Qarapaiym meditsinalyq betperde, qolǵap jáne antiseptik suiyqtyqtarymen saýda núktelerin kúndelikti qamtamasyz etip turý kerek. «Bul bazar basshylyǵynyń mindeti», - ekenin túsindirdi tekserýshi tarap.
Gúlnár Qurmanbekova – «Nur Otan» partiiasynyń «Densaýlyq saqtaý» baǵyty boiynsha partiialyq kýratory: «Mereke qarsańynda bazarlarda kelýshiler sany artady, osyǵan bailanysty halyq kóp shoǵyrlanǵan jerlerdi sanitarlyq talaptardyń saqtalýy mańyzdy», – dep atap ótti.
Rasynda arqany keńge salýǵa bolmaidy. Qys aýasynda indettiń órshýi yqtimal. Sondyqtan mamandar saqtyq sharalaryn qatań ustaýdy eskertedi.
Pandemiiaǵa bailanysty kúrdeli epidemiologiialyq ahýal kezeńinde meditsina salasyna túsken aýyrtpalyq 2 esege artqany esimizde. Statsionarlar men provizorlyq ortalyqtardaǵy tósek oryndardyń 96 paiyzy naýqastarmen toldy. Bul óz kezeginde meditsina salasyna erekshe kóńil bólý qajet ekenin kórsetti.
Qashanda halyq densaýlyǵyna jiti mán bergen partiia máseleni shapshań sheshýdi igi ustanymdarynyń birine ainaldyrǵan. Osy oraida atalǵan densaýlyq saqtaý máselesi Shymkent qalalyq Sailaýaldy baǵdarlamada keńinen kórinis tapty.
- Birinshiden, Jedel meditsinalyq járdem stantsiiasy tolyq jańartýdan ótedi;
- Qalanyń meditsinalyq uiymdarynyń materialdyq-tehnikalyq bazasy nyǵaitylady (ókpeni jasandy vintilliatsiialaý apparattary, pýlsoksimetrler, KShS analizatorlary, «Bobrov» apparattary, patsienttiń monitorlary, shpritsti sorǵy, elektrokardiograftar, fliýorograftar jáne t.b. satyp alynady);
- 2023 jyly sheteldik zamanaýi tehnikamen jabdyqtalǵan 1 000 oryndyq kópsalaly aýrýhana halyqtyń igiligine beriledi;
- Meditsinalyq nysandar tapshylyǵyn sheshý maqsatynda aldaǵy 5 jylda 10 meditsinalyq mekemeniń qurylysy júrgiziledi.
- 2023 jylǵa deiin qalanyń shet aimaqtarynda 12 dárigerlik ambýlatoriialar salynady. 2024 jylǵa deiin qaladaǵy 36 meditsina mekemesiniń materialdyq-tehnikalyq bazasy jańartylady.
- Ekinshiden, Meditsina qyzmetiniń sapasyn arttyrý maqsatynda jyl saiyn meditsina salasyndaǵy kadrlardyń 30 paiyzyn qamtyp, Izrail, Germaniia, Resei, Litva elderiniń jetekshi mamandarymen sheberlik-klasstar ótkiziledi;
- Kardiologiialyq ortalyq «Ulttyq ǵylymi kardio-hirýrgiialyq ortalyqtyń» basqarýyna berilip, alǵash ret júrekke transplantatsiia otalary jasalady;
- 2021 jyly qaterli isik aýrýlaryn emdeý úshin memlekettik-jekeshelik áriptestik aiasynda pozitrondy-emissiondyq tomografiia iske qosylady;
- 2021 jyly bedeýlikti emdeý úshin «Reprodýktivti meditsina institýtynyń Shymkent qalalyq filialy» ashylady. Bul óz kezeginde, jyl saiyn 500-den astam azamatty qalamyzda emdeýge múmkindik beredi;
- 2021-2025 jyldar aralyǵynda qarttardyń jaǵdaiyn jasaý maqsatynda 4 «Ómir sapasyn uzartý ortalyǵy» salynady; «Simýliatsiialyq ortalyǵy» qyzmeti sapaly túrde júzege asyrylady;
- Shuǵyl meditsinalyq kómek qyzmeti jańǵyrtylyp, "keshendi meditsinalyq aqparattyq júiesi engiziledi. Nátijesinde halyqtyń ómir súrý uzaqtyǵy 74,6-dan 77,4 jasqa deiin uzarady.
«Nur Otan» partiiasynyń basty qundylyǵy qashanda — adam, onyń jaily jáne baqýatty ómir súrýi men densaýlyǵy. Qazirgi kúrdeli jaǵdaida bul airyqsha orynda. Osy oraida «Nur Otan» partiiasy problemalardy naqty túsinedi jáne ár azamattyń múddesi úshin jumys isteitin qýatty resýrstarǵa ie.
«Nur Otan» - naqty ister partiiasy! «Nur Otan»-ǵa daýys ber!
Shymkent qalasyndaǵy "Nur Otan" partiiasynyń sailaý qorynyń qarajatynan tólendi.
