«Nur Otan» sońǵy 2,5 aidyń ishinde partiialyq tártipti buzǵan 79 myńnan astam múshesin partiia qatarynan shyǵardy. Bul jaiynda «Nur Otan» partiiasy Partiialyq baqylaý komitetiniń tóraǵasy Pavel Kazantsev Facebook paraqshasynda jazdy, dep habarlaidy "Ult aqparat".
«Biz partiiada bedelinde min joq ári belsendi azamattyq ustanymy bar adamdar ǵana qalýy tiis degen qaǵidany ustanamyz. Sondyqtan Jarǵy Ádep kodeksin tuzyp, partiialyq tártipti saqtamaǵany, partiiamen balianysty úzgeni úshin qatarymyzdy tazartyp jatyrmyz. Tek sońǵy 2,5 aida ǵana partiialyq tártipti buzǵany úshin partiia qatarynan 79 myńnan astam adam shyǵaryldy», - dep jazady ol.
Onyń atap ótýinshe, sońǵy úsh aptada partiialyq baqylaý komissiiasy 46 jeke isti qarap, onyń 22-si boiynsha tiisti partiialyq organdarǵa Ádep kodeksin, ákimshilik jáne qylmystyq zańnamany buzǵandardy partiia qatarynan shyǵarý týraly usynys berilgen. Jáne de barlyq 22 memlekettik sheneýnik partiia qatarynan shyǵarylǵan.
.jpeg)