Búgin «Nur Otan» partiiasynyń Ortalyq apparatynda 1 naýryz – Partiia kúnine orai partiia qataryna qabyldaý saltanaty ótti. Is-sharaǵa jas nurotandyqtarmen birge saiasi uiymnyń qalyptasýyna eńbek sińirgen partiia ardagerleri de arnaiy qatysty. Partiia Tóraǵasynyń Birinshi orynbasary Máýlen Áshimbaev barsha nurotandyqtardy partiia kúnimen jáne osy merekemen qatar kelgen Alǵys aitý kúnimen quttyqtap, isterine sáttilik tiledi. Sondai-aq ol «Nur Otan»-nyń aldynda Elbasy, partiia Tóraǵasy Nursultan Ábishuly Nazarbaev partiianyń XVIII sezinde aiqyndap bergen mańyzdy mindetter turǵanyna nazar aýdardy.
Jalpy biyl «Nur Otan» partiiasy úshin erekshe jyl. Óitkeni saiasi uiymnyń qurylǵanyna biyl 20 jyl tolyp otyr. Osy mereili dataǵa orailastyrylǵan partiianyń kezekti XVIII sezinde Memleket basshysy, partiia Tóraǵasy Nursultan Nazarbaev barsha nurotandyqtardy atalǵan mereitoimen quttyqtady.
Tarihqa az-kem toqtalar bolsaq, osydan týra 20 jyl buryn, iaǵni 1999 jyldyń 1 naýryzynda partiianyń Birinshi tarihi sezi ótip, onda Elbasy biraýyzdan «Nur Otan» partiiasynyń Tóraǵasy bolyp sailandy. Sodan beri partiia jylnamasyna altyn áriptermen jazylǵan 1 naýryz Partiia kúni retinde atalyp ótiledi. Búginde «Nur Otan» 1 millionnan astam partiia músheleri men 6 myń bastaýysh partiia uiymynyń basyn biriktiredi. Elimiz boiynsha partiianyń 248 filialy jumys isteidi.
Aldymen osy máselelerge toqtalǵan Máýlen Áshimbaev ótken jyldarda partiianyń Elbasynyń eń senimdi tiregi jáne elimizdiń jetekshi saiasi kúshi retinde qalyptasyp úlgergenin aitty.
– Partiia 20 jylda Elbasynyń ekonomikany reformalaýǵa, áleýmettik salany damytýǵa, qoǵamdaǵy ózekti máselelerdi oń sheshýge baǵyttalǵan strategiialyq bastamalaryn júzege asyrýǵa belsene qatysty. Sondyqtan elimizdiń barlyq jeńisteri men jetistikterinde «Nur Otan» partiiasynyń, sondai-aq ár nurotandyqtyń úlesi bar, – dedi partiia Tóraǵasynyń Birinshi orynbasary.
Onyń aitýynsha, osy ýaqyt aralyǵynda partiianyń qoǵamdyq qabyldaý bólmelerine 1 millionnan astam qazaqstandyq óz ótinishin aityp kelgen. «Nur Otan» 20 jylda 1 million 600 myńǵa jýyq aryz-shaǵym jáne ótinishter men usynystardy qarap, azamattardy alańdatqan máselelerdiń oń sheshilýine yqpal etken.
Sondai-aq Elbasynyń memlekettiń aldyna burynǵydan da aýqymdy strategiialyq maqsattar qoiyp otyrǵanyn aitqan Máýlen Áshibaev basty mindet – eldi júieli jańǵyrtý arqyly álemniń eń damyǵan 30 memleketiniń qataryna qosylý ekenine nazar aýdardy.
– Aldaǵy ýaqytta partiiamyz osy baǵyttarda júieli jumys isteidi. Odan bólek, partiianyń kezekti XVIII sezinde Memleket basshysynyń aldaǵy maqsat-mindetterge toqtalyp, birqatar naqty tapsyrmalar bergeni belgili. Ásirese áleýmettik salada atqarylatyn utymdy jobalardy aiqyndap, olardy júzege asyrýdyń tiimdi joldaryn kórsetti. Bul jumystarǵa kólemdi qarajattyń bólinetinin de jetkizdi. Elbasynyń sezde bergen tapsyrmalaryn sapaly ári ýaqytyly oryndaý úshin barsha nurotandyqtar kúsh biriktirip, birlesip jumys isteimiz dep senemin, – dedi Máýlen Áshimbaev.
Atalǵan sezde Qazaqstan Prezidenti halyqtyń ál-aýqatyn jaqsartyp, turmys sapasyn arttyrý maqsatynda Úkimetke birqatar tapsyrma berdi. Partiia Tóraǵasy Birinshi orynbasarynyń sózine qaraǵanda, osy maqsatta Ulttyq qor men respýblika biýdjetinen 2 trillion 350 milliard teńge bólinedi. Bul elimizdegi ózekti áleýmettik máselelerdi sheshýge baǵyttalǵan naqty kómek ekeni sózsiz.
– Sezde Elbasy partiiaǵa atalǵan bastamalardy júzege asyrýǵa belsene qatysyp qana qoimai, bólingen qarajattyń maqsatty jumsalýy men berilgen tapsyrmalardyń oryndalý barysyna baqylaý júrgizýdi júktedi. Sonymen qatar Memleket basshysy naqty 4 partiialyq joba týraly aityp ótti. Olardyń birinshisi «Baqytty otbasy jobasy». Bul bastama aldymen az qamtylǵan jáne kóp balaly otbasylarǵa qoldaý kórsetý maqsatynda qolǵa alynyp otyr. Joba aiasynda partiianyń qoǵamdyq qabyldaý bólmeleri men filialdary arqyly muqtaj jandarǵa naqty kómek kórsetiledi. Ekinshi «Qutty meken» jobasy aldymen aýyldyq jerlerdiń infraqurylymyn damytýǵa baǵyttalǵan. «Aýyl – el besigi» jobasy da aýyldarymyzdy damytyp, ol jaqta jumys oryndaryn ashyp, jaily ómir súrýge qolaily jaǵdai jasaýdy kózdeidi. Tórtinshi «Halyqqa kómek» jobasy boiynsha qoǵamdyq qabyldaý bólmelerinde «Biryńǵai áleýmettik terezeler» ashyp, halyqqa jedel ári naqty kómek kórsetýdi qolǵa aldyq, – degen Máýlen Áshimbaev Elbasynyń osy jobalarǵa mán berýi partiia úshin úlken senim men jaýapkershilik ekenin aitty.
Sóz sońynda partiia Tóraǵasynyń Birinshi orynbasary barsha jiynǵa qatysýshylardy Alǵys aitý kúnimen quttyqtady.
– Bul kún eldiń yntymaǵy men birligin odan ári arttyratyn zor mańyzǵa ie. Sondyqtan barsha qazaqstandyqtardy ataýly kúnmen quttyqtap, shynaiy alǵysymdy bildiremin. Árdaiym elimiz aman, jurtymyz tynysh bolsyn, – dedi Máýlen Áshimbaev.
Aita keteiik, partiia kúnine orai elimiz boiynsha 3 myńnan astam qazaqstandyq partiia múshesi atandy. Astana qalasynyń ózinde ár salada eńbek etip júrgen 20 azamatqa partiia bileti saltanatty jaǵdaida tabys etildi. Atap aitqanda, «Tynys» aktsionerlik qoǵamynyń bas direktory, Úkimettiń «Capa salasyndaǵy jetistikteri úshin» syilyǵynyń iegeri Qairat Qalmanbaev, «Agro Processing» jáne «Apple World» jaýapkershiligi shekteýli seriktestikteriniń bas direktory, Almaty Urban Farm Festival, Alma Sunday, Alma Music siiaqty aýylsharýashylyq jármeńkeleri men festivalderin uiymdastyrýshy Arsen Rysdáýletov, «Áinek-Tara» áinek zaýynyń direktory, «Jyl kóshbasshysy-2017» ulttyq sertifikatynyń iegeri, «Biznes kóshbasshysy» syilyǵynyń laýreaty Natella Dzotsenidze, belgili kino jáne teatr akteri, Qazaqstannyń eńbek sińirgen qairatkeri Ádil Ahmetov, «OLIMPIONIK – Áleýmettik qory» qoǵamdyq qorynyń quryltaishysy Zeinolla Aqan, jeke kásipker Liýdmila Nesiaeva, jas ǵalym, kásipker, mýzykant, «BIOV» qaýipsizdik tehnikalary júiesiniń avtory Ámir Qýat, dirijer, Qazaq ulttyq óner ýniversitetiniń ánshi-kontrtenory. Halyqaralyq baiqaýlardyń laýreaty Batyrjan Smaqov, «Liter» respýblikalyq qoǵamdyq-saiasi gazeti bas redaktorynyń orynbasary Jannat Oishybaeva, Qazaqstannyń 100 jańa esimi baiqaýynyń jeńimpazdary: Bolat Sultanqulov, Almaz Ibragimov jáne Ǵalym Nurlanov, «Altyn adam» tigin fabrikasy direktorynyń orynbasary Áliia Otarova, balalarǵa arnalǵan kiimder shyǵaratyn «MIMIORIKI» tuńǵysh qazaqstandyq brendtiń art-direktory Maia Jumanbekova, «NPP Kazakh Osseter» jaýapkershiligi shekteýli seriktestiginiń direktory Tursyngúl Jaqypova, Qazaqstannyń eńbek sińirgen qairatkeri, belgili telejúrgizýshi Qaragóz Súleimenova, Kostenko atyndaǵy shahtanyń jumyskeri, akrobatikadan Álem kýbogy men Aziia chempionatynyń júldegeri Daniel Dil, «Jańǵyrý joly» Qazaqstan halqy Assambleiasy jastar qanaty Astana qalalyq shtabynyń jetekshisi Natalia Karageýr, «Arý-Tas» beton buiymdaryn shyǵarý zaýytynyń direktory, «Daryn» memlekettik syilyǵynyń laýreaty Bekjan Álimqulov jáne «Habar» agenttigi» aktsionerlik qoǵamy Basqarma tóraǵasynyń birinshi orynbasary Rinat Kertaev «Nur Otan» partiiasynyń múshesi atandy.
Is-shara sońynda partiia ardagerleri sóz alyp, partiianyń qalyptasý kezeńi týraly aitty. Sondai-aq olar jastarǵa batalaryn berip, eldik múdde jolyndaǵy isterine tabys tiledi.
.jpeg)