Atyraýda «Nur Otan» partiiasy oblystyq filialynyń kezekten tys HHHII konferentsiiasy ótip, QR Parlamenti Májilisiniń depýtattyǵyna úmitkerler usynyldy, dep dep habarlaidy "Ult aqparat".
Óńirlik filial tóraǵasy, oblys ákimi Mahambet Dosmuhambetovtiń aitýynsha, praimeriz kezeńinde partiia múshelerinen 1061 usynys túsken. Onyń 448-i sailaýaldy baǵdarlamalarynyń jobasynda kórinis tapqan. Al sailaýaldy baǵdarlamalardyń jobasyna 12 tolyqtyrý men ózgeris engizilgen.
Konferentsiiada 8 úmitker debatqa qatysyp, sailaýaldy baǵdarlamalaryn tanystyrdy. Delegattardyń daýys berýimen Májiliske sailanatyn depýtattardyń partiialyq tizimine úsh úmitker irikteldi. Eń kóp daýys Dúisenbai Turǵanovqa berildi. Onyń úlesinde 107 daýys bar. Al, Sálimjan Naqpaev 98 daýysqa ie boldy. Kóp daýys alǵan bul úmitkerdiń ekeýi de – jeke sektor ókili. Úshinshi úmitker Qyzylqoǵa aýdandyq máslihatynyń hatshysy Tolqyn Beiisqali 74 daýys jinady.
«Praimeriz kezeńinde partiia múshelerinen túsken usynystar men amanattar eskerildi. Sonyń negizinde oblystyq filialdyń sailaýaldy baǵdarlamasy jobasy qabyldandy» -dedi oblystyq filial tóraǵasynyń birinshi orynbasary Nurlybek Ojaev.
Sondai-aq, konferentsiiada oblystyq máslihattyń partiialyq tizimine 47 úmitker endi. Olardyń 25 paiyzyn jastar, al, 30 paiyzyn áielder qurady.
