Norvegiianyń qoǵam densaýlyǵyn saqtaý institýty katolikterdiń pasha demalysynan keiin deni saý adamnyń COVID-19 indetin juqtyrǵan adamǵa eki metrden kem jáne 15 minýttan artyq jaqyndaǵanyn anyqtaityn mobildi qosymshany iske qosýdy josparlap otyr, dep habarlaidy QazAqparat.
Qosymshany ornatyp alǵan adam óziniń indet juqtyrǵany týraly habarlama alsa, osyndai qosymshasy bar basqa adamdarǵa da bul týraly habarlama keledi.
Sonymen birge, qupiialylyqty saqtaý maqsatynda koronavirýs juqtyrǵan adammen qashan, qaida jáne qansha ýaqyt aralasqanyńyz týraly málimet berilmeidi.
«Biz bul jumysty aiaqtaý úshin bar kúshimizdi salyp jatyrmyz», - dep atap ótti FHI óńirlik direktory Gan Peggi Knýdsen.
Ol qosymshanyń GPS pen Bluetooth belgileri dertke shaldyqqan adamdy anyqtaý úshin qoldanylatynyn túsindirip, ony kóptegen adam júktep alatynyna úmit bildirgen.
