Búginnen bastap Norvegiia úkimeti sheteldikter úshin karantin talaptaryn alyp tastady. Bul týraly Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram-kanalynda aityldy, dep habarlaidy QazAqparat.
Halyqaralyq valiýta qory pandemiia jaǵdaiynda ekonomikalyq damý boljamdaryn jariialady. Sarapshylar «omikron» shtamynan aýrýdyń artýyna bailanysty 2022 jylǵa arnalǵan stsenariidi jaǵymsyz jaǵyna qarai ózgertti. Álemdik ekonomikanyń qarqyny 4,4% quraidy, bul ótken jylmen salystyrǵanda 0,5% tómen, dep málimdedi HVQ basqarýshy direktorynyń orynbasary Gita Gopinat.
Koronavirýstyń «Omikron» shtamynyń tez taralýy kóptegen elderde adamdardyń qozǵalysyna shekteýlerdiń qaita bastalýyna ákelip soqty jáne jumys kúshiniń jetispeýshiligin arttyrdy», - dedi Gopinat.
HVQ málimetteri boiynsha, tabysy tómen elderde qazir halyqtyń tek 4% virýsqa qarsy egildi, al tabysy joǵary elderde – 70 %. Alaida, sarapshynyń aitýynsha, «omikron» 2022 jyldyń birinshi toqsanynda ekonomikalyq belsendilikti tejeidi, ekinshi toqsanda onyń áseri onsha sezilmeidi.
Búginnen bastap Norvegiia úkimeti sheteldikter úshin karantindik sharalardy alyp tastady. Iaǵni, elge kiretinderdiń barlyǵyna 10 kúndik oqshaýlanýda mindetti bolý talaby joiyldy.
«Biz Norvegiianyń qoǵamdyq densaýlyq saqtaý institýtynyń usynysyn oryndaimyz. Infektsiialyq baqylaý sebepteri boiynsha karantin endi qajet dep sanalmaidy. Talap 26 qańtarda saǵat 12:00-den bastalady», - delingen Norvegiia úkimetiniń habarlamasynda. Norvegiiada maquldanǵan vaktsinalarmen egilgen nemese koronavirýstan saýyqqandyǵy týraly sertifikaty joq kez kelgen adam karantindi saqtaýy kerek bolatyn. Bul rette elge kelýshiler áli de kirer aldynda tirkelýge jáne test tapsyrýǵa mindetti bolady.
