Norvegiianyń Premer-ministri Erna Solberg el ishindegi karantin shekteýlerin jeńildetý úshin biylǵy maýsym aiynda skandinaviialyq memleket vaktsinalaý qujatyn qoldanýdy bastaitynyn aitty, dep habarlaidy "Ult aqparat".
Erna Solbergtiń aitýynsha, sertifikat onyń iesi vaktsina alǵan-almaǵany, sondai-aq buryn koronavirýspen aýyrǵan-aýyrmaǵany týraly málimetterdi qamtidy.
«Bul sertifikattar bizdiń qoǵamdy tezirek jáne erterek ashýǵa múmkindik beredi», - dep atap ótti premer-ministr. Norvegiia Eýropalyq Odaqqa múshe emes, biraq Eýropalyq biryńǵai naryq pen Shengen týristik aimaǵynda bar.
Sertifikat EO-nyń barlyq standarttaryna sáikes keledi jáne shetelge sapar shegý úshin qoldanylady.
Pandemiia bastalǵannan beri Eýropada aýrý juqtyrý men ólim-jitim jaǵdailarynyń eń tómen deńgeileriniń biri Norvegiiada boldy. Biraq naýryz aiynda koronavirýs saldarynan aýrýhanaǵa jatqyzylǵandar sany tez óskennen keiin qatań sharalar qoldanyldy.
2021 jylǵy 5 mamyrdaǵy jaǵdai boiynsha Norvegiia turǵyndarynyń 31,7% - y koronavirýsqa qarsy alǵashqy ekpeni aldy, al 8,4% - y tolyq vaktsinalaýdan ótti.
