Nólinshi synypqa arnalǵan oqýlyqtar latyn álipbiinde jaryq kóredi. Al, nólinshi synyp jospardaǵy 2019 jyly emes, 2020 jyly engizilmek. Bul týraly QR Bilim jáne ǵylym ministrliginiń keńeitilgen alqa otyrysynda vedomstvo basshysy Erlan Saǵadiev aitty, dep habarlaidy Baq.kz tilshisi.
Ministr 2017 jyldy qorytyndylap, 2018 jylǵy mindetterimen bólisti.
«Mektepke deiingi bilim týraly aitsaq, birinshi synypqa keletin bala mektepke tolyǵymen daiyn bolý kerek. Qazirgi ýaqytta balalardyń 85 paiyzy árip tanyp, sanaýdy biledi. Biraq, qalǵan 15 paiyzymen jumys isteý muǵalimderge qiyn. Nólinshi synypty engizý alǵashqy josparymyzda 2019 jylǵa qoiylǵan bolatyn. Búgin biryńǵai baǵdarlama jáne muǵalimderdi daiyndaý kestesi ázir. Oqýlyqtar saraptamadan ótti. Endi 400 myńǵa jýyq balaǵa nólinshi synyptyń jańa oqýlyqtaryn basý kerek bolyp tur. Biz latyn álippesine kóshetindikten oqýlyqtardy birjola latynsha basqan jón dep sanap otyrmyz. Bul aqsha jaǵynan da tiimdi. Jańa oqýlyqtardy daiyndap, saraptama men aprobatsiiadan ótkizýge jáne muǵalimderdi daiyndaýǵa ýaqyt qajet. Sondyqtan, nólinshi synypty 2020 jyly engizbekpiz», - dedi Saǵadiev.
Ministrdiń aitýynsha, qazirgi tańda latyn grafikasyna kóshý jumysymen 4 komissiia ainalysyp jatyr.
