Mańǵystaý oblysyna jumys sapary barysynda QR Energetika ministri Nurlan Noǵaev «Ózenmunaigaz» jáne «Jetibaimunaigaz» ken oryndaryndaǵy birqatar nysandardy aralady, dep habarlaidy "Ult aqparat" atalmysh vedomostvonyń baspasóz qyzmetine silteme jasap.
«Ózenmunaigaz» ken ornyn aralaý barysynda Nurlan Noǵaev mýltifazaly
sorǵy qondyrǵysynyń, jerasty jabdyqtaryn jóndeý jáne diagnostikalaý tsehynyń, sýdy aldyn ala aǵyzý qondyrǵysynyń, munai kásipshiligi jabdyqtary men tehnologiialyq kommýnikatsiialardy jóndeý basqarmasynyń jumysymen tanysty.
«Jetibaimunaigaz» ken ornynda Ministr óndiristik basqarmany, sondai-aq ken orny mýzeiin aralady.
Sonymen qatar, Nurlan Noǵaev tabiǵi, ilespe munai gazy men gaz kondensatyn óńdeýdi júzege asyratyn qazaqstandyq gaz óńdeý zaýytynda boldy. Zaýyt taýarlyq (qurǵaq) gazdy, suiytylǵan munai gazyn (SMG), peshtik turmystyq otyndy, sondai-aq kómirsýtegi eritkishin óndiredi.
Munai kásiporyndarynyń jumyskerlerimen kezdesý barysynda Energetika ministri pandemiianyń Qazaqstannyń munai indýstriiasyna áseri týraly aitty. 2020 jyly munai óndirý jospary 90-nan 85 million tonnaǵa deiin qysqardy, bul óz kezeginde munai óndirýshi jáne munai servistik kompaniialarynyń jumys kóleminiń tómendeýine alyp keldi. Qazaqstan Úkimeti óz kezeginde osy kompaniialardy qoldaýǵa baǵyttalǵan birqatar ákimshilik jáne salyqtyq sharalardy qabyldady.
Áńgimelesý barysynda Ministr munai indýstriiasynda jumys isteitin kompaniialarǵa pandemiia kezeńinde kórsetken kómekteri úshin, atap aitqanda jedel járdem mashinalaryn syiǵa bergeni, dári-dármektermen qamtamasyz etkeni jáne patsientter úshin tósek-oryn uiymdastyrǵany úshin alǵysyn bildirdi.
Sonymen qatar, Nurlan Noǵaev OPEK+kelisimi sheńberinde Qazaqstannyń júrgizip jatqan jumysy týraly aityp berdi.
- Qazaqstan OPEK+-pen tyǵyz yntymaqtastyq ornatqan. Pandemiia adamzattyń barlyq salalaryna úlken túzetýler jasady, munai salasy da osydan tys qalǵan joq. Munai eksporttaýshy elderdiń kelisimi arqasynda biz munai men munai ónimderi naryǵynda tepe-teńdikti saqtap, keibir ken oryndarynyń avariialyq toqtap qalýynyń aldyn aldyq. 2020 jyl barlyq munai salasy úshin synaq boldy, alaida birlesken kúsh-jigerdiń arqasynda naryqtaǵy suranys pen usynystyń tepe-teńdigi birtindep qalpyna kelýde.
Men Qazaqstannyń munai salasynyń barlyq qyzmetkerlerine olardyń eńbegi úshin alǵys aitqym keledi. Ortaq kúsh-jigerdiń arqasynda biz elimizdiń otyn-energetikalyq kesheni úshin jaǵymsyz saldarlardan qutyla aldyq, - dep atap ótti Nurlan Noǵaev.
2020 jylǵy qazanda aiynda, aldyn ala resmi derekterge sáikes Qazaqstanda kondensatty esepke almaǵanda munai óndirý táýligine 1,400 mln.barreldi qurady. OPEK + kelisimi boiynsha mindettemelerdi oryndaý deńgeii 99%-dy qurady.
