Energetika ministri Nurlan Noǵaevqa el aldyndaǵy eseptik kezdesý kezinde jańartylatyn energiia kózderinen alynatyn elektrdiń qymbattyǵy týraly saýal qoiyldy, dep habarlaidy QazAqparat.
Energetika ministri eldegi energetika naryǵynda jańartylatyn kózderden alynǵan energiianyń úlesi artsa da, onyń baǵasy arzandamaitynyn eskertti.
«Kún, jel, sý elektr stansalary jańartylatyn energiia kózderine jatady. Byltyr óndirilgen 100,8 mlrd KVt/-saǵat energiianyń 3 paiyzy ǵana kún, jel, sý elektr stansalarynan alynǵan. Bul qazirgi tańda baǵanyń eleýli tómendeýin qamtamasyz ete almaidy», - dedi ministr.
Vedomstvo basshysynyń aitýynsha, elektrdiń qazirgi quny qoldanystaǵy zańnamamen naqty reglamenttelgen.
«Jańartylatyn energiia týraly zań boiynsha energiia óndirýshi mekemeler jańartylatyn energiia kózderi shyǵarǵan mekemelerdiń elektr qýatyn satyp alyp otyr. Negizi tarif te, ony júzege asyrý máselesi de óte qymbat. Biz jańartylatyn energiia kózderin iske qosyp, kólemin arttyrǵan kezde elektr quny tómendeidi degen jańsaq pikr ekenin aitqym keledi», - dedi ministr.
