QR Energetika ministri Nurlan Noǵaev beinekonferentsiia formatyndaǵy Halyqaralyq Energetikalyq Hartiianyń (HEH) ministrlik konferentsiiasynyń 31-otyrysynda baiandama jasady, dep habarlaidy "Ult aqparat" atalmysh vedomostvonyń baspasóz qyzmetine silteme jasap.
Energetikalyq Hartiia Konferentsiiasynyń ministrlik sessiiasy dástúrli túrde Hartiiaǵa múshe elder úkimetteriniń, halyqaralyq uiymdardyń joǵary laýazymdy ókilderiniń jáne energetikalyq kompaniialar basshylarynyń innovatsiialar róli men turaqty energetikalyq tehnologiialardy damytý týraly saiasi dialogqa qatysýy úshin platforma retinde qyzmet etedi.
HEH energiia resýrstarynyń tranzitin eksporttaityn, tutynatyn jáne júzege asyratyn elderdiń úkimetaralyq dialogyn ilgeriletý jónindegi halyqaralyq energetikalyq uiym bolyp tabylady.
QR Energetika ministri Nurlan Noǵaev óz sózinde jahandyq energetikalyq kún tártibiniń eń ózekti máselelerin, sondai-aq tranzit, investitsiialardy qorǵaý jáne energiia tiimdiligi siiaqty el úshin mańyzdy baǵyttardy qosa alǵanda, Energetikalyq Hartiiaǵa Shartty jańǵyrtý protsesiniń mańyzdylyǵyn atap ótti.
- Qazaqstan daýlardy sheshý aspektilerine, sondai-aq investitsiialyq erejelerge qatysty Sharttyń erejelerin jańartýǵa múddeli. Biz tranzit máselelerin talqylaý kezinde mynadai negiz qalaýshy qaǵidattardyń eskerilýine tereń qyzyǵýshylyq bildiremiz:
Jańa naryqtarǵa, sondai-aq tranzittik elderdiń infraqurylymyna kedergisiz qol jetkizý;
Energiia resýrstarynyń tranzitin júzege asyrý úshin biryńǵai quqyqtyq óris qurý; Táýekelderdiń týyndaýyn jáne daýlardyń saldaryn tómendetý; Energiia resýrstary naryǵyndaǵy suranys pen usynys teńgerimin saqtaý; Ekonomikalyq múddeler teńgerimin saqtaý, - dedi Nurlan Noǵaev.
