Atyraý oblysynyń ákimi Nurlan Noǵaev aimaqtaǵy zańsyz balyq aýlaýshylarmen kúres tiimdi bolý úshin sý politsiiasy men balyq inspektsiiasynyń qosymsha bólimderin ashý máselesin sheshýdi tapsyrdy, - dep habarlaidy Atyraý oblystyq óńirlik kommýnikatsiialar qyzmeti.
Nurlan Noǵaev Qurmanǵazy aýdanynda óńirdegi balyq sharýashylyǵynyń problemalaryna qatysty kóshpeli jinalys ótkizdi. Oǵan memlekettik organdar men quqyq qorǵaý salasynyń ókilderi, balyq aýlaityn kooperativ basshylary qatysty. Jinalysta balyq salasyn retteý, zańsyz balyq aýlaýmen kúres máselesi qaraldy.
Shara barysynda quqyq qorǵaý jáne baqylaýshy organdardy kadrlarmen qamtamasyz etý máselesi de kóterildi. Nurlan Noǵaev basshylardy brakonerlikpen kúreste aldyńǵy shepte bolatyn mamandardy muqiiat tańdaýǵa shaqyrdy. Eger jasalyp jatqan jumystar nátije bermese, belgili bir sebepteri bolýy kerek.
- Demek ol mamandar brakonerlermen sybailas deýge negiz bar, jumys isteýge nietteri joq degen sóz. Al eger naqty osylai bolsa, ondai adamdardy jumystan bosatyp, ózine jaýapkershilik pen mindet ala alatyn, jumys isteitinderdi qyzmetke alý kerek, - dedi Nurlan Noǵaev.
Aimaq basshysy sondai-aq balyq qoryna qol suǵýshy qylmyskerlermen kúres bólimi men oblystyq aýmaqtyq orman sharýashylyǵy jáne janýarlar álemi inspektsiiasynyń ókilderine kadrlerdi almastyrý mehanizmin tabýdy usyndy. «Aýdan deńgeiindegi basshylar tórt jyl jumys istegennen keiin qyzmet oryndaryn aýystyrýy kerek. Osylaisha sybailas jemqorlyq qaýpi azaiady, qyzmetkerlerdiń kásibi biliktilikteri joǵarylaidy», -dedi oblys ákimi.
Jinalys qortyndysy boiynsha aimaq basshysy memlekettik organ basshylaryna birqatar tapsyrmalar berdi. Eń bastysy - brakonerlikpen kúresti kúsheitý jáne oblys aýdandarynda sý politsiiasy men balyq inspektsiiasynyń qosymsha bólimderin ashý týraly usynys daiyndaý.
