اتىراۋ وبلىسىنىڭ ەكٸمٸ نۇرلان نوعاەۆ ايماقتاعى زاڭسىز بالىق اۋلاۋشىلارمەن كٷرەس تيٸمدٸ بولۋ ٷشٸن سۋ پوليتسيياسى مەن بالىق ينسپەكتسيياسىنىڭ قوسىمشا بٶلٸمدەرٸن اشۋ مەسەلەسٸن شەشۋدٸ تاپسىردى, - دەپ حابارلايدى اتىراۋ وبلىستىق ٶڭٸرلٸك كوممۋنيكاتسييالار قىزمەتٸ.
نۇرلان نوعاەۆ قۇرمانعازى اۋدانىندا ٶڭٸردەگٸ بالىق شارۋاشىلىعىنىڭ پروبلەمالارىنا قاتىستى كٶشپەلٸ جينالىس ٶتكٸزدٸ. وعان مەملەكەتتٸك ورگاندار مەن قۇقىق قورعاۋ سالاسىنىڭ ٶكٸلدەرٸ, بالىق اۋلايتىن كووپەراتيۆ باسشىلارى قاتىستى. جينالىستا بالىق سالاسىن رەتتەۋ, زاڭسىز بالىق اۋلاۋمەن كٷرەس مەسەلەسٸ قارالدى.
شارا بارىسىندا قۇقىق قورعاۋ جەنە باقىلاۋشى ورگانداردى كادرلارمەن قامتاماسىز ەتۋ مەسەلەسٸ دە كٶتەرٸلدٸ. نۇرلان نوعاەۆ باسشىلاردى براكونەرلٸكپەن كٷرەستە الدىڭعى شەپتە بولاتىن مامانداردى مۇقييات تاڭداۋعا شاقىردى. ەگەر جاسالىپ جاتقان جۇمىستار نەتيجە بەرمەسە, بەلگٸلٸ بٸر سەبەپتەرٸ بولۋى كەرەك.
- دەمەك ول ماماندار براكونەرلەرمەن سىبايلاس دەۋگە نەگٸز بار, جۇمىس ٸستەۋگە نيەتتەرٸ جوق دەگەن سٶز. ال ەگەر ناقتى وسىلاي بولسا, ونداي ادامداردى جۇمىستان بوساتىپ, ٶزٸنە جاۋاپكەرشٸلٸك پەن مٸندەت الا الاتىن, جۇمىس ٸستەيتٸندەردٸ قىزمەتكە الۋ كەرەك, - دەدٸ نۇرلان نوعاەۆ.
ايماق باسشىسى سونداي-اق بالىق قورىنا قول سۇعۋشى قىلمىسكەرلەرمەن كٷرەس بٶلٸمٸ مەن وبلىستىق اۋماقتىق ورمان شارۋاشىلىعى جەنە جانۋارلار ەلەمٸ ينسپەكتسيياسىنىڭ ٶكٸلدەرٸنە كادرلەردٸ الماستىرۋ مەحانيزمٸن تابۋدى ۇسىندى. «اۋدان دەڭگەيٸندەگٸ باسشىلار تٶرت جىل جۇمىس ٸستەگەننەن كەيٸن قىزمەت ورىندارىن اۋىستىرۋى كەرەك. وسىلايشا سىبايلاس جەمقورلىق قاۋپٸ ازايادى, قىزمەتكەرلەردٸڭ كەسٸبي بٸلٸكتٸلٸكتەرٸ جوعارىلايدى», -دەدٸ وبلىس ەكٸمٸ.
جينالىس قورتىندىسى بويىنشا ايماق باسشىسى مەملەكەتتٸك ورگان باسشىلارىنا بٸرقاتار تاپسىرمالار بەردٸ. ەڭ باستىسى - براكونەرلٸكپەن كٷرەستٸ كٷشەيتۋ جەنە وبلىس اۋداندارىندا سۋ پوليتسيياسى مەن بالىق ينسپەكتسيياسىنىڭ قوسىمشا بٶلٸمدەرٸن اشۋ تۋرالى ۇسىنىس دايىنداۋ.
