20 jeltoqsanda Atyraý qalasynda belgili aitysker aqyn Baýyrjan Haliollanyń “Móltek álem móldiri” atty ádebi-sazdy shyǵarmashylyq jyr keshi ótti. Qazaqstan jazýshylar jáne jýrnalister odaǵynyń múshesi, halyqaralyq aqyn-jyrshylar men aityskerler odaǵynyń múshesi Baýyrjan Haliolla – 3 kitaptyń avtory.
Jyr keshine oblys turǵyndary men qonaqtary, Atyraý oblysynyń ákimi Nurlan Noǵaev jáne respýblikalyq BAQ-tardyń bas redaktorlary qatysty. Keshti aitysker aqyn Talant Arǵynǵali júrgizip otyrdy.
Ádebi sharada aqynnyń “Tusaýkeser”, “Júrek sózi”, “Qatimollaǵa arnaý”, “Dosyma hat” syndy ánderi shyrqalyp, óleńderi oqyldy.
“Sońǵy jyr keshimdi osydan bir jyl buryn ótkizdim. Bir jyl ǵumyrym úshin sekýndtai ǵana bolsa da, men úshin bul uzaq ýaqyt ótti. Aldaryńyzǵa sher tarqatyp, syrlasaiyn dep, shyǵarmashylymdaǵy jańalyqtardy tanystyraiyn dep shyǵyp otyrmyn. Osynaý keshtiń ótýine sebep bolǵan aimaq basshysy Nurlan Noǵevqa erekshe alǵys aitamyn”, – dedi aqyn sóz alǵanda.
Oblys ákimi Nurlan Noǵaev mádeniet pen ónerdi árqashan qoldaitynyn aityp, aqynnyń shyǵarmashylyǵyna tabys tiledi.
“Adamǵa aqyndyń ónerdiń bitýi – basyna qonǵan baqpen teń. Bul baq Baýyrjan Haliollaǵa da bitti. Endi bul ónerdi eldiń mádenietin kóterip, jan-dúniesin damytýǵa jumsaý kerek. Kez kelgen mamandyq iesiniń qoǵamdaǵy óz orny bar desek, óner adamdarynyń jóni tipten bólek”, – dedi Nurlan Noǵaev.
"Ult aqparat"
