Nobel laýreattarynyń artynan kóp júgire bermei, ózimizdiń ekonomikalyq saraptamamyzdy damytý qajet. Bul týraly «Atameken» UKP prezidiým tóraǵasy Timýr Qulybaev aitty, dep habarlaidy QazAqparat tilshisi.
«Astana ekonomikalyq forýmyna Nobel laýreattaryn shaqyramyz da, tushymdy suraq qoia almaimyz. Shyny kerek, olardy antýraj úshin shaqyramyz. Syrttan bireýdiń bylai-bylai isteńder dep otyrǵany durys emes. Biz óz ishimizde naqty sheshimge kelip, baǵyt-baǵdarymyzdy belgileýimiz kerek. Urysamyz ba, daýlasamyz ba, bir sheshimge ózimiz kelýimiz kerek. Sondyqtan otandyq saraptamany qoldanǵanymyz jón. Áitpese, ylǵi syrttan bir siqyrshylardy kútip otyramyz. Olai bolmaidy», - dedi Qulybaev búgin prezidiýmnyń keńeitilgen otyrysynda.
Onyń aitýynsha, Nobel laýreattary siiaqty «qymbat qonaqtardy» shaqyrǵansha ózimizdiń mamandardy konferentsiialar men seminarlarǵa jiberip, olardyń kásibi daiyndyqtaryn shyńdaǵan jón. Sonda elimizdiń ekonomikalyq saraptamasy jetiledi. Úkimet pen bizneske durys baǵdar beriledi.
Aita keteiik, búgingi otyrysqa Úkimet basshysy Baqytjan Saǵyntaev ta qatysty. Sol jerde Timýr Qulybaev arzan ipoteka naryǵyn damytý qajettigin aitqan bolatyn.
