نوبەل لاۋرەاتتارىنىڭ ارتىنان كٶپ جٷگٸرە بەرمەي, ٶزٸمٸزدٸڭ ەكونوميكالىق ساراپتامامىزدى دامىتۋ قاجەت. بۇل تۋرالى «اتامەكەن» ۇكپ پرەزيديۋم تٶراعاسى تيمۋر قۇلىباەۆ ايتتى, دەپ حابارلايدى قازاقپارات تٸلشٸسٸ.
«استانا ەكونوميكالىق فورۋمىنا نوبەل لاۋرەاتتارىن شاقىرامىز دا, تۇششىمدى سۇراق قويا المايمىز. شىنى كەرەك, ولاردى انتۋراج ٷشٸن شاقىرامىز. سىرتتان بٸرەۋدٸڭ بىلاي-بىلاي ٸستەڭدەر دەپ وتىرعانى دۇرىس ەمەس. بٸز ٶز ٸشٸمٸزدە ناقتى شەشٸمگە كەلٸپ, باعىت-باعدارىمىزدى بەلگٸلەۋٸمٸز كەرەك. ۇرىسامىز با, داۋلاسامىز با, بٸر شەشٸمگە ٶزٸمٸز كەلۋٸمٸز كەرەك. سوندىقتان وتاندىق ساراپتامانى قولدانعانىمىز جٶن. ەيتپەسە, ىلعي سىرتتان بٸر سيقىرشىلاردى كٷتٸپ وتىرامىز. ولاي بولمايدى», - دەدٸ قۇلىباەۆ بٷگٸن پرەزيديۋمنىڭ كەڭەيتٸلگەن وتىرىسىندا.
ونىڭ ايتۋىنشا, نوبەل لاۋرەاتتارى سيياقتى «قىمبات قوناقتاردى» شاقىرعانشا ٶزٸمٸزدٸڭ مامانداردى كونفەرەنتسييالار مەن سەمينارلارعا جٸبەرٸپ, ولاردىڭ كەسٸبي دايىندىقتارىن شىڭداعان جٶن. سوندا ەلٸمٸزدٸڭ ەكونوميكالىق ساراپتاماسى جەتٸلەدٸ. ٷكٸمەت پەن بيزنەسكە دۇرىس باعدار بەرٸلەدٸ.
ايتا كەتەيٸك, بٷگٸنگٸ وتىرىسقا ٷكٸمەت باسشىسى باقىتجان ساعىنتاەۆ تا قاتىستى. سول جەردە تيمۋر قۇلىباەۆ ارزان يپوتەكا نارىعىن دامىتۋ قاجەتتٸگٸن ايتقان بولاتىن.
