Aqtaýda «Qarasora – 2026» jedel-profilaktikalyq is-sharasy kezinde esirtki saqtady degen kúdikpen azamat ustaldy, dep habarlaidy ult.kz.
Polisia.kz málimetinshe, Mańǵystaý oblysy politsiia departamentiniń uiymdasqan qylmysqa qarsy kúres basqarmasynyń qyzmetkerleri «Niva» avtokóligin toqtatyp, tintý júrgizgen. Nátijesinde esirtkige uqsas zat salynǵan toǵyz paket tárkilendi.
Keiin Aqtaý qalasynyń 25-shaǵyn aýdanyndaǵy kúdiktige tiesili garaj da tintildi. Ol jerden taǵy tórt paket jáne 85 dana zip-paket tabyldy.
Atalǵan fakti boiynsha qylmystyq is qozǵaldy. Kúdiktige qatysty eshqaida ketpeý týraly qolhat túrindegi bultartpaý sharasy qoldanyldy.
Qazir tergeý júrip jatyr.
