Qazaqstanda qoǵamdyq oryndarda bet-júzin búrkemelep júrgen azamattarǵa qatysty túsindirý jumystary júrgizilip jatyr. Bul týraly Ishki ister ministriniń orynbasary Sanjar Ádilov málimdedi, dep habarlaidy ult.kz.
Onyń aitýynsha, jańa norma kúshine engennen beri 21 adam ákimshilik jaýapkershilikke tartylyp, olarǵa eskertý jasalǵan.
«Zańda 10 AEK kóleminde aiyppul qarastyrylǵan. Alaida norma jaqynda ǵana kúshine engendikten, politsiia ázirge azamattarǵa túsindirý jumystaryn júrgizip, eskertýmen shektelip otyr», – dedi Sanjar Ádilov Senat otyrysynan keiin.
Eske salsaq, byltyr qoǵamdyq oryndarda adamnyń bet-álpetin tanýǵa kedergi keltiretindei etip búrkemeleýge qatysty ákimshilik jaýapkershilik engizilgen bolatyn. Zań talaptaryn alǵash ret buzǵandarǵa eskertý beriledi, al qaitalanǵan jaǵdaida 10 AEK mólsherinde aiyppul salynady.
Buǵan deiin Atyraý oblysynda bet-júzin búrkemelegen 11 adamnyń jaýapqa tartylǵany habarlanǵan edi.
