قازاقستاندا قوعامدىق ورىنداردا بەت-جٷزٸن بٷركەمەلەپ جٷرگەن ازاماتتارعا قاتىستى تٷسٸندٸرۋ جۇمىستارى جٷرگٸزٸلٸپ جاتىر. بۇل تۋرالى ٸشكٸ ٸستەر مينيسترٸنٸڭ ورىنباسارى سانجار ەدٸلوۆ مەلٸمدەدٸ, دەپ حابارلايدى ult.kz.
ونىڭ ايتۋىنشا, جاڭا نورما كٷشٸنە ەنگەننەن بەرٸ 21 ادام ەكٸمشٸلٸك جاۋاپكەرشٸلٸككە تارتىلىپ, ولارعا ەسكەرتۋ جاسالعان.
«زاڭدا 10 اەك كٶلەمٸندە ايىپپۇل قاراستىرىلعان. الايدا نورما جاقىندا عانا كٷشٸنە ەنگەندٸكتەن, پوليتسييا ەزٸرگە ازاماتتارعا تٷسٸندٸرۋ جۇمىستارىن جٷرگٸزٸپ, ەسكەرتۋمەن شەكتەلٸپ وتىر», – دەدٸ سانجار ەدٸلوۆ سەنات وتىرىسىنان كەيٸن.
ەسكە سالساق, بىلتىر قوعامدىق ورىنداردا ادامنىڭ بەت-ەلپەتٸن تانۋعا كەدەرگٸ كەلتٸرەتٸندەي ەتٸپ بٷركەمەلەۋگە قاتىستى ەكٸمشٸلٸك جاۋاپكەرشٸلٸك ەنگٸزٸلگەن بولاتىن. زاڭ تالاپتارىن العاش رەت بۇزعاندارعا ەسكەرتۋ بەرٸلەدٸ, ال قايتالانعان جاعدايدا 10 اەك مٶلشەرٸندە ايىپپۇل سالىنادى.
بۇعان دەيٸن اتىراۋ وبلىسىندا بەت-جٷزٸن بٷركەمەلەگەن 11 ادامنىڭ جاۋاپقا تارتىلعانى حابارلانعان ەدٸ.
