Nigeriiada áskeriler birneshe kúnnen beri mektepke shabýyl jasalyp, iz-túzsiz joǵalyp ketken 400-ge jýyq oqýshyny izdestirip jatyr. Oqiǵa juma kúni eldiń soltústigindegi Katsina shtatynyń Kankara qalasynda bolǵan, dep habarlaidy "Ult aqparat" Euronews-ke silteme jasap.
Mototsikl mingen qarashylar balalar uiyqtap jatqanda oq jaýdyryp, mektep ǵimaratyna basa kóktep kirgen. Politsiia bólimsheleri qylmyskerlerdiń izine túsip 200 oqýshyny qutqaryp úlgergen. Olardyń keibiri qashyp qutylǵan. Keiin balalardy qutqarý operatsiiasyna áskeri kúsh qosyldy.
Kámeletke tolmaǵandardy Nigeriianyń soltústik-batysyndaǵy qarýly zańsyz top qun tólep bosatý maqsatynda urlap áketti degen boljam bar. Bilik mektep oqýshylaryn tezirek bosatý úshin qoldan kelgenniń bárin jasaýǵa ýáde berdi.
Eske sala keteiik, 2014 jyly sáýirde radikal «Boko Haram» tobynyń músheleri Borno shtatynyń soltústik-shyǵysyndaǵy Chibok qalasyndaǵy mektep jataqhanasynan 276 qyzdy urlap ketken. Shamamen 100-ge jýyq qyz qyzdyń qaida ekenin áli belgisiz.
