نيگەرييادا ەسكەريلەر بٸرنەشە كٷننەن بەرٸ مەكتەپكە شابۋىل جاسالىپ, ٸز-تٷزسٸز جوعالىپ كەتكەن 400-گە جۋىق وقۋشىنى ٸزدەستٸرٸپ جاتىر. وقيعا جۇما كٷنٸ ەلدٸڭ سولتٷستٸگٸندەگٸ كاتسينا شتاتىنىڭ كانكارا قالاسىندا بولعان, دەپ حابارلايدى "ۇلت اقپارات" Euronews-كە سٸلتەمە جاساپ.
موتوتسيكل مٸنگەن قاراشىلار بالالار ۇيىقتاپ جاتقاندا وق جاۋدىرىپ, مەكتەپ عيماراتىنا باسا كٶكتەپ كٸرگەن. پوليتسييا بٶلٸمشەلەرٸ قىلمىسكەرلەردٸڭ ٸزٸنە تٷسٸپ 200 وقۋشىنى قۇتقارىپ ٷلگەرگەن. ولاردىڭ كەيبٸرٸ قاشىپ قۇتىلعان. كەيٸن بالالاردى قۇتقارۋ وپەراتسيياسىنا ەسكەري كٷش قوسىلدى.
كەمەلەتكە تولماعانداردى نيگەرييانىڭ سولتٷستٸك-باتىسىنداعى قارۋلى زاڭسىز توپ قۇن تٶلەپ بوساتۋ ماقساتىندا ۇرلاپ ەكەتتٸ دەگەن بولجام بار. بيلٸك مەكتەپ وقۋشىلارىن تەزٸرەك بوساتۋ ٷشٸن قولدان كەلگەننٸڭ بەرٸن جاساۋعا ۋەدە بەردٸ.
ەسكە سالا كەتەيٸك, 2014 جىلى سەۋٸردە راديكال «بوكو حارام» توبىنىڭ مٷشەلەرٸ بورنو شتاتىنىڭ سولتٷستٸك-شىعىسىنداعى چيبوك قالاسىنداعى مەكتەپ جاتاقحاناسىنان 276 قىزدى ۇرلاپ كەتكەن. شامامەن 100-گە جۋىق قىز قىزدىڭ قايدا ەكەنٸن ەلٸ بەلگٸسٸز.
