AstraZeneca kompaniiasy adam aǵzasynda trombtardyń túzilýine vaktsina áser etti degen tujyrymǵa dálel joq dep málimdese de, Niderland koronavirýsqa qarsy AstraZeneca vaktsinasyn egýdi keminde 29 naýryzǵa deiin toqtatty.
Úkimet 14 naýryzda mundai sheshim Daniia jáne Norvegiiadan túsken baiandamalarǵa negizdelip shyǵarylǵanyn habarlady. Jaqynda Norvegiiada AstraZeneca vaktsinasy egilgen úsh meditsina qyzmetkerine qan ketý, trombtardyń túzilýi jáne trombotsitterdiń tómendeýi diagnozdary qoiylyp, aýrýhanaǵa túsken.
AstraZeneca basshylyǵy 14 naýryzda qolda bar derekti taldap, trombqa shaldyqqandar sany jalpy halyq arasynda kezdesetin júzdegen kórsetkishten áldeqaida az dep málimdedi.
Buǵan deiin Irlandiia da osyǵan uqsas sheshim qabyldaǵan. Italiianyń soltústigindegi Pemont oblysynyń biligi vaktsina egilgennen keiin kóp keshikpei qaitys bolǵan muǵalim óliminen keiin AstraZeneca vaktsinasyn paidalanýdy toqtatatynyn málimdegen. Aimaq basshylyǵy adam ólimi men vaktsina arasynda bailanysty anyqtaityn saraptama nátijesin kútip otyrǵanyn aitty.
