New York Times basylymy jeksenbi kúni alǵashqy betinde koronavirýs infektsiiasynan qaitys bolǵan adamdardyń aty-jónderi men nekrologtar úzindisin jariialady. Basylym osylaisha indetten qaitys bolǵandardy eske alǵan.
"AQSh-ta adam ólimi 100 myńǵa jýyqtady, orny tolmas qasiret" delingen alǵashqy bette.
Gazettiń alǵashqy betinde basylym deregi, taqyryp jáne qaitys bolǵandardyń aty-jóni jáne nekrologtar úzindisinen basqa eshqandai maqala jariialanbaǵan. Gazet qyzmetkerleriniń aitýynsha, olar qaitys bolǵandardyń aty-jónderin jariialap qana qoimai, nekrologtardyń jazǵandaryn da basýdy jón kórgen. New York Times redaktorlary olardy aimaqtyq basylymdardan tapqan.
Sońǵy aqparat boiynsha, AQSh-ta 98 myńnan astam adam koronavirýs infektsiiasynan qaitys bolǵan. Bul - álemdegi eń joǵary kórsetkish. Shamamen 30 myń ólim Niý-Iork shtatynda tirkelgen.
Sońǵy kezde birqatar shtattarda (arasynda Niý-Iork te bar) koronavirýs juqtyrǵandar men virýspen bailanysty adam ólimi azaiyp, bilik keibir karantin shekteýlerin alǵan.
Niý-Iork shtatynda senbi kúni 84 adam koronavirýstan qaitys boldy. Bul sońǵy aptalarmen salystyrǵanda eń tómen kórsetkish. Epidemiianyń sharyqtaý shegine jetken kezde - sáýir aiynyń basynda Niý-Iorkte kúnine 800-ge jýyq adam qaitys bolǵan.
