© Foto: Maksima Zolotýhina
The New York Times jańa jylda kórýge bolatyn álemdegi 52 orynnyń dástúrli tizimin jariialady. Tanymal basylymnyń nusqasy boiynsha Almaty tizimde 25 orynda tur, - dep habarlaidy "Ult aqparat" Týrizm jáne sport ministrliginiń baspasóz qyzmetine silteme jasap.
«Almaty eki million halqy bar Qazaqstannyń eń iri qalasy bola tura, beibit, biraq belsendi shahar áserin qaldyrady. Almatynyń mádeni ortalyq retindegi mártebesi onyń gastronomiialyq ómirinde aiqyn kórinedi. Un, sý jáne etke negizdelgen «neo-nomadtar» ashanasy giper-zamanaýi stilde usynylǵan; ony AUYL nemese TÖR restorandarynda kóre alasyz. Lanzhou Noodle meiramhanasy qytai taǵamdaryn, al Sensilyo Coffee nemese JumpinGoat kafeleri - keremet kofe usynady. Kók bazardaǵy jemister men jańǵaqtardy tamashalańyz, sodan keiin jaqynda keńestik dáýir ǵimaratynda ashylǵan úlken azyq-túlik bazarynda PlatformA-ǵa baryńyz» - dep jazǵan redaktsiia.
Sondai-aq maqalada Áýlie Voznesensk soborynyń fotosýreti bar.
«Qazaqstan sońǵy jyldary álemdik BAQ reitingine jii iligip keledi jáne New York Times tizimine ený týristerdiń bizdiń elimizge degen qyzyǵýshylyǵynyń artyp kele jatqanyn anyq bildiredi», - deidi QR Týrizm jáne sport vitse- ministri Erjan Erkinbaev.
Aita keteiik, Almaty - bul reitingke engen aimaqtaǵy jalǵyz qala. Buǵan deiin 2017 jyly Qazaqstan EKSPO-2017 kórmesi qarsańynda osy tizimge engen bolatyn.
