Elordada 16-21 qarasha aralyǵynda «New Music Generation 2020» II Halyqaralyq kompozitorlar konkýrsy ótip jatyr, dep habarlaidy "Ult aqparat".
«Búgin, 17 qarashada konkýrstyń ekinshi kúninde úsh atalymda, úsh jas sanaty boiynsha partitýralardy qaraý ótip jatyr. Keshke qarai qorytyndy jiyp ótip, onda búgingi partitýralardy qaraý qorytyndysy talqylanady. Sodan keiin qazylar alqasynyń músheleri óz kesimderin shyǵaryp, ol hattalady. Konkýrs nátijelerin juma kúni jariia ete alamyz. Erteń Óner ýniversitetiniń Organ zalynda ótetin konkýrs aiasyndaǵy kontsertke daiyndalamyz», - dedi Qazaq ulttyq óner ýniversiteti halyqaralyq yntymaqtastyq jáne shyǵarmashylyq qyzmetiniń jetekshisi Erkebulan Rahymov.
Onyń naqtylaýynsha, qaraý jáne tyńdaý qarashanyń 16-sy men 17-si aralyǵynda ótip jatyr. Konkýrsqa qatysýshy kompozitorlar óz týyndylaryn jazyp, ony uiymdastyrý komitetiniń elektrondy mekenjaiyna jiberedi. Nátijesi 20 qarasha jariialanady.
Konkýrs kelesi nominatsiialarda ótkiziledi:
«Simfoniialyq týyndy» (solistpen nemese solistermen, onyń ishinde vokalistermen nemese vokalistersiz);
«Kameralyq shyǵarma» (solo aspaptan bastap solisterdiń úlken ansambline deiin);
«Vokaldyq shyǵarma» (ánshilerdiń sany shektelmegen, aspaptyq súiemeldeýmen nemese súiemeldeýsiz).
Konkýrsqa úsh jas toby boiynsha kompozitorlar qatysady:
Birinshi top - 15 jasqa deiin;
ekinshi top – 15 jastan 25 jasqa deiin;
úshinshi top – 25 jastan 35 jasqa deiin.
Konkýrsqa álemniń 22 elinen (Qazaqstan, Frantsiia, Germaniia, Italiia, Ispaniia, Avstriia, Belgiia, Chehiia, Qytai, Argentina, Chili, Filippin, Rýmyniia, Gretsiia, Serbiia, Jańa Zelandiia, Finliandiia, Resei Federatsiiasy, Ýkraina, Belarýs, Moldova, Litva), 160-tan astam partitýra, 98 konkýrsant usynyldy.
Qazylar alqasy músheleriniń partitýralardy qaraýy alǵash ret onlain ótkizilýde.
