Búgin Úkimet otyrysynyń qorytyndysy boiynsha ótken baspasóz konferentsiiasynda Premer-Ministrdiń birinshi orynbasary – qarjy ministri Álihan Smaiylov nesieler boiynsha aiyppuldar men ósimpuldardy esepten shyǵarý boiynsha júrgizilip jatqan jumystar týraly aityp berdi, dep habarlaidy "Ult aqparat".
Á. Smaiylov Ulttyq banktiń málimetinshe, osy jyldyń 1 shildesindegi jaǵdai boiynsha aiyppuldar men ósimpuldardyń jalpy somasy shamamen 50 mlrd teńgeni quraidy, bul kepilsiz tutynýshylyq nesieleri bar 5 mln 46 myń azamatqa tiisti.
Bankter men mikroqarjy uiymdarynyń teńgeriminde turǵan aiyppuldar men ósimpuldar ǵana alynady.
Onyń aitýynsha, eki jaǵdai týyndaýy múmkin. Birinshisi — bank sotqa deiingi retteý aiasynda kollektorlyq uiym quqyn qaryzdy óndirip alýǵa beredi, biraq ol quqyqtardy qaita bermeidi. Sonda bul talap quqyqtary bankte qalady. Iaǵni, bul aiyppuldar men ósimpuldar esepten shyǵarylady. Ekinshi jaǵdai — bul quqyqtardy bankter nemese mikroqarjy uiymdary kollektorlyq uiymdarǵa satyp, olar bank aktivteri bolmaǵandaǵy jaǵdai. Tiisinshe, aiyppuldar men ósimpuldar esepten shyǵarylmaýy múmkin.
Á. Smaiylovtyń aitýynsha, bankter aiyppuldar men ósimpuldardy alyp tastaýdy bastady. Osy jumystyń nátijeleri boiynsha Qarjylyq qoldaý qory esepten shyǵarylǵan somanyń 30%-yn qarjy uiymdaryna tóleidi. Iaǵni, bankter aiyppuldar men ósimpuldardy esepten shyǵarýda júktemeniń 70% ózine alady.
