بٷگٸن ٷكٸمەت وتىرىسىنىڭ قورىتىندىسى بويىنشا ٶتكەن باسپاسٶز كونفەرەنتسيياسىندا پرەمەر-مينيستردٸڭ بٸرٸنشٸ ورىنباسارى – قارجى مينيسترٸ ەليحان سمايىلوۆ نەسيەلەر بويىنشا ايىپپۇلدار مەن ٶسٸمپۇلداردى ەسەپتەن شىعارۋ بويىنشا جٷرگٸزٸلٸپ جاتقان جۇمىستار تۋرالى ايتىپ بەردٸ, دەپ حابارلايدى "ۇلت اقپارات".
ە. سمايىلوۆ ۇلتتىق بانكتٸڭ مەلٸمەتٸنشە, وسى جىلدىڭ 1 شٸلدەسٸندەگٸ جاعداي بويىنشا ايىپپۇلدار مەن ٶسٸمپۇلداردىڭ جالپى سوماسى شامامەن 50 ملرد تەڭگەنٸ قۇرايدى, بۇل كەپٸلسٸز تۇتىنۋشىلىق نەسيەلەرٸ بار 5 ملن 46 مىڭ ازاماتقا تيٸستٸ.
بانكتەر مەن ميكروقارجى ۇيىمدارىنىڭ تەڭگەرٸمٸندە تۇرعان ايىپپۇلدار مەن ٶسٸمپۇلدار عانا الىنادى.
ونىڭ ايتۋىنشا, ەكٸ جاعداي تۋىنداۋى مٷمكٸن. بٸرٸنشٸسٸ — بانك سوتقا دەيٸنگٸ رەتتەۋ اياسىندا كوللەكتورلىق ۇيىم قۇقىن قارىزدى ٶندٸرٸپ الۋعا بەرەدٸ, بٸراق ول قۇقىقتاردى قايتا بەرمەيدٸ. سوندا بۇل تالاپ قۇقىقتارى بانكتە قالادى. ياعني, بۇل ايىپپۇلدار مەن ٶسٸمپۇلدار ەسەپتەن شىعارىلادى. ەكٸنشٸ جاعداي — بۇل قۇقىقتاردى بانكتەر نەمەسە ميكروقارجى ۇيىمدارى كوللەكتورلىق ۇيىمدارعا ساتىپ, ولار بانك اكتيۆتەرٸ بولماعانداعى جاعداي. تيٸسٸنشە, ايىپپۇلدار مەن ٶسٸمپۇلدار ەسەپتەن شىعارىلماۋى مٷمكٸن.
ە. سمايىلوۆتىڭ ايتۋىنشا, بانكتەر ايىپپۇلدار مەن ٶسٸمپۇلداردى الىپ تاستاۋدى باستادى. وسى جۇمىستىڭ نەتيجەلەرٸ بويىنشا قارجىلىق قولداۋ قورى ەسەپتەن شىعارىلعان سومانىڭ 30%-ىن قارجى ۇيىمدارىنا تٶلەيدٸ. ياعني, بانكتەر ايىپپۇلدار مەن ٶسٸمپۇلداردى ەسەپتەن شىعارۋدا جٷكتەمەنٸڭ 70% ٶزٸنە الادى.
