Jaz ailary nesie naryǵy úshin barynsha kúrdeli boldy, dep habarlaidy "Ult aqparat".
Ranking.kz málimetinshe, nesie naryǵy eki ai qatarynan, naqty aitqanda maýsymda 0,5, al shildede 0,9 paiyz teris mánge ketti. Tek tamyzda ǵana 2,2 paiyz ósim boldy. Qyrkúiektiń 1-inde Qazaqstannyń ekinshi deńgeili bankteriniń jiyntyq nesie qorjyny 15,18 trln teńge boldy. Bul kórsetkish osy jyldyń 1 maýsymynda 15,07 trln teńge bolǵan edi. Qorytyndysynda kúzde bank zaimdarynyń ósimi jazdyń basymen salystyrǵanda 0,8 paiyzdy qurady.
10 iri bank-kreditorlardyń arasynda jazdaǵy «karantin» qorytyndysy boiynsha Turǵynúiqurylysjinaqbanki úzdik kórsetkishke qol jetkizdi. Qarjy institýtynyń nesie qorjyny úsh aidyń ishinde osy jyldyń 1 qyrkúiegine qarai 13,3 paiyzǵa, 1,19 trln teńgege deiin ósti. Kórsetkish turaqty artyp otyrdy. Atap aitqanda, jyl ishinde TÚQJB qorjyny birden 33,4 paiyzǵa artty. Bul sektordaǵy eń kúshti kórsetkish sanalady.
Sonymen qatar jaz ailarynda Bank RBK RBK (pliýs 8%, 485 mlrd teńgege deiin) jáne Halyq banki (pliýs 4,5%, 4,74 trln teńgege deiin) nesie berýi artty. Osylaisha, nesie naryǵyna ortaq problema kezinde jazdaǵy daǵdarystan ipotekalyq nesieleý ǵana qarqyndy ósim kórsetip otyrǵan segment bolyp qaldy.
Aita keterligi, Memleket basshysynyń tapsyrmasyna sáikes, elimizde «Nurly jer» memlekettik baǵdarlamasy aiasynda «Shańyraq» jobasy iske qosyldy. Turǵyn úi satyp alýǵa jeńildik usynatyn zaim jyldyq 5 paiyz mólsherlememen 20 jylǵa beriledi. Bastapqy jarna baspana qunynyń 10 paiyzyn quraidy. Joba operatory - Turǵynúiqurylysjinaqbanki. 2020 jyly jobany júzege asyrý úshin QR Ulttyq bankiniń enshiles uiymy 210 mlrd teńge bólýdi josparlap otyr. Onyń 90 mlrd teńgeni quraityn alǵashqy bóligi atalǵan bankke jiberilgen.
